चौवालीसम 'शहादत दिवस' पर याद कायल गेला 'स्व. ललित नारायण मिश्र' - मिथिला दैनिक

Breaking

गुरुवार, 4 जनवरी 2018

चौवालीसम 'शहादत दिवस' पर याद कायल गेला 'स्व. ललित नारायण मिश्र'

सहरसा। 04 जनवरी। एनएसयूआई द्वारा देशक रेल मंत्री केर रूप मे अप्पन अमिट छाप छोड़ै बला स्व. ललित नारायण मिश्र क' हुनकर 44सम शहादत दिवस पर याद कायल गेलनि। शंकर चौक स्थित मंदिर परिसर मे आयोजित कार्यक्रम क' संबोधित करैत प्रदेश कांग्रेस महासचिव केसर कुमार सिंह कहलनि कि स्व. ललित बाबू केर खिचल गेल विकासक बड़का लकीर सँ बड़का लकीर नहि खिचल जे सकैछ। आगा ओ कहलनि कि सहरसा सहित कोसी क्षेत्र मे जेभि रेलक परियोजना संचालित अछि सभकेँ सभ हुनके देन अछि। कोसी सहित पूरा मिथिलांचलक लोग हुनकर एहि योगदान क' कहियो नहि बिसैर सकैत अछि।

प्रदेश सचिव रामसागर पांडेय कहलनि कि कोसी आओर बिहार मे रेलक विकास ललित बाबू केर देन अछि। कार्यक्रम केर अध्यक्षता करैत एनएसयूआई के पूर्व जिलाध्यक्ष सुदीप कुमार सुमन कहलनि कि मिथिलाचंलक विकास आओर अंतरराष्ट्रीय पहिचान मे ललित बाबूक   योगदान अछि। एहि मौका पर एनएसयूआई जिलाध्यक्ष विराज कश्यप, प्रवक्ता साबिर हुसैन, किरण मेहता, सन्नी ठाकुर, सुरज झा, गौतम कुमार, राघव कुमार, अभय कुमार, प्रवीण छोटू, सुशील सिंह, गोलु कुमार, कुमोद कुमार सिंह आदि मौजूद छला।