मुख्यमंत्री नीतीश कुमार सहरसा क' देलनि 300 करोड़क विकासक परियोजना केर सौगात - मिथिला दैनिक

Breaking

शुक्रवार, 5 जनवरी 2018

मुख्यमंत्री नीतीश कुमार सहरसा क' देलनि 300 करोड़क विकासक परियोजना केर सौगात

सहरसा। 05 जनवरी। कैल्हि गुरु दिन मुख्यमंत्री नीतीश कुमार अप्पन  सहरसा दौरा पर जिला वासी सभकेँ लगभग 300 करोड़ सँ बेसिक विकासक परियोजनाक सौगात देलनि। विकासक समीक्षा यात्रा केर क्रम मे जिलाक कहरा प्रखंड अंतर्गत सुलिंदाबाद पंचायतक वार्ड संख्या तीन आओर पांच मे गामक भ्रमण करी नीतीश कुमार सात निश्चय योजना केर तहत क्रियान्वित योजना सभक मुआयना केलनि। आम लोगक तालिक गड़गड़ाहट संग मंच पर पहुँचल मुख्यमंत्री केँ स्वागत प्रभारी डीएम नवदीप शुक्ला पुष्प गुच्छ द' केलनि। 


लोग सभकेँ संबोधित करैत मुख्यमंत्री नीतीश कुमार बाल बिआह, दहेज आओर शराबबंदी केर खिलाफ लोग सभकेँ संकल्प देलनि। ऐहिक बाद मुख्यमंत्री स्टूडेंट क्रेडिट कार्ड, कुशल युवा कार्यक्रम, हर घर नल का जल, सहित सात निश्चय योजनाक अंतर्गत भ' रहल उपलब्धिक जानकारी लोग सभकेँ देलनि। कार्यक्रम केर दौरान युवा राजद द्वारा करिया झंडा देखाओल गेल मुदा, मुख्यमंत्री हुनका सभक स्वागत करैत कहलनि कि करिया रंग खराब नजैर सँ बचबैत अछि। राज्यक अनुसूचित जाति एवं अनुसूचित जनजाति कल्याण विभागक मंत्री सह प्रभारी मंत्री रमेश ऋषिदेव, सिमरी-बख्तियारपुरक विधायक सह राज्यक आपदा प्रबंधन विभागक मंत्री दिनेश चंद्र यादव मुख्यमंत्री केर नेतृत्व मे राज्य सहित जिला सभमें भ' रहल विकास काजल चर्चा केलनि। 

स्थानीय राजद विधायक अरूण कुमार अप्पन संबोधन मे सहरसा मे एम्स स्थापना, बैजनाथपुर पेपर मिल चालू करब सहित विकासक योजना सभकेँ जिला मे लागू करबाक मांग केलनि। जाहिक बाद मुख्यमंत्री नीतीश कुमार अप्पन संबोधन मे सभ काज होयबाक आश्वासन देलनि। सहरसाक सभा समाप्त होयते मुख्यमंत्री सुपौल जिलाक लेल प्रस्थान केलनि। जाहिक बाद प्रशासनक अधिकारी सभ राहतक साँस लेलनि। ओतहि मुख्यमंत्रीक आगमन ल'क' सुरक्षा केर पुख्ता इंतजाम कायल गेल छल। सहरसा सहित आसपासक आन जिला सँ भारी संख्या मे पुलिसकर्मी सभक तैनाती कायल गेल छल।