सरकार केँ लाख कोशिशक बावजूद राज्य मे बाल बिआह जारी, एक अधेड़ वयक्ति 13 बरखक बच्चिया संग केलनि बिआह - मिथिला दैनिक

Breaking

सोमवार, 6 नवंबर 2017

सरकार केँ लाख कोशिशक बावजूद राज्य मे बाल बिआह जारी, एक अधेड़ वयक्ति 13 बरखक बच्चिया संग केलनि बिआह

कटिहार। 06 नवम्बर। सरकारक लाख कोशिश केर बावजूद राज्य मे मानव तस्करी केर धंधा थमबाक नाम नहि ल' रहल अछि। कटिहार रेल पुलिस द्वारा एक एहेन वाकया केर खुलासा कायल गेल अछि। जाहिमे पीड़िता महज 13 बरखक नाबालिग छथि। ई घटना बेगूसराय जिलाक मंझौल इलाका केँ अछि। जता पछिला एक तारीख क' तेरह वर्षीय नाबालिग केर बिआह पीड़िता सँ तिगुना उम्र सँ बेसी एक अधेड़ उत्तर प्रदेश बहराइच के देशराज सँ मंदिर में कराओल गेल। 

मंदिर मे बिआह केँ बाद परिजन सभ दूल्हा- दुल्हन क' ल'क' कटिहार केँ सिरसा गाम चाचा केर घर पहुंचल, जता स्थानीय ग्रामीण सहित चाचा केँ परिवारक लोग सभकेँ एहि बेमेल बिआह पर शक भेल। बस केर की? सभ मिल दूल्हा केँ खूब धुनाई केलनि। 

अपने क' बता दी दूल्हा देशराज अप्पन जान बचा कहूना स्टेशन पर ट्रेन पकड़े पहुंचला मुदा लोग सभ ओतहूं पहुंच गेल आओर आरोपी दूल्हा क' रेल पुलिस केर हवाले क' देलनि। पीड़िता केर कहब अछि कि जबरन हुनकर बिआह कराओल गेल छल। ओतहि, कटिहार रेल पुलिस उपाधीक्षक रणधीर कुमार सिंह कहलनि कि आरोपी देशराज क' गिरफ्तार कायल जे चुकल अछि आओर मामला केर जांच शुरू क' देल गेल अछि।