मुंगेर : ट्रेनक चपेट म' अएला सँ 4 महिला केर मौत - मिथिला दैनिक

Breaking

सोमवार, 23 अक्तूबर 2017

मुंगेर : ट्रेनक चपेट म' अएला सँ 4 महिला केर मौत

मुंगेर। 23 अक्टूबर। मुंगेर जिलाक अदलपुर हाल्ट लग आय भोर भागलपुर-दानापुर इंटरसिटी एक्सप्रेस केर चपेट म' अएला सँ 4 महिला केर मौत भ' गेलनि। धरहरा थाना क्षेत्र म' भेल एहि घटना म' एक आओर  महिला केर घायल होयबाक खबैर अछि। एसपी आशीष भारती केर  मुताबिक एखन धरी एहि हादसा म' मृत महिला सभक पहचान नहि भ' सकल अछि। ओतहि हादसा म' घायल महिला क' इलाजक लेल मुंगेर सदर अस्पाताल भेजल गेल अछि। 

पुलिस केर मुताबिक आय भोर अदलपुर हाल्ट लग किछु महिला गंगा स्नान करि अप्पन घर वापस जायत छली। एहि दौरान ई हादसा भेल आओर ट्रेनक चपेट म' अएला स' 4 महिला केर मौत भ' गेलनि जखनकि एक आन महिला घायल छथि। आशंका जाताओल जे रहल अछि कि कुहासा के बीच ट्रेन क' नहि देखबाक कारण ई दुर्घटना घटल अछि।