सरकारी दावा केर खुजल पोल, परीक्षा म' नकल हावी - मिथिला दैनिक

Breaking

बुधवार, 19 जुलाई 2017

सरकारी दावा केर खुजल पोल, परीक्षा म' नकल हावी

मधुबनी। 19 जुलाई। बिहारक शिक्षा मंत्री भलहि कदाचार मुक्त परीक्षा के बड़का - बड़का दावा करैत छथि, मुदा मधुबनी के हरलाखी प्रखंडक स्कूल सभक सच किछु आओर अछि। 9वम आओर 10सम वर्गक परीक्षा म' एक दिस घोर लापरवाही बरतल जे रहल अछि तेँ दोसर दिस बेधड़क कदाचार सेहो चैल रहल अछि।

जिलाक दीन दयाल उच्च विद्यालय म' संसाधन सभक आभाव म' बच्चा सभ जमीन पर बैस परीक्षा देबाक लेल मजबूर छथि। परीक्षा म' लापरवाही सेहो बरतल जे रहल अछि। छात्र-छात्रा सभ किताब आओर कॉपी सामना म' खोली परीक्षा द' रहल छथि। दोसर दिस बालिका प्रोजेक्ट उच्च विद्यालय के सेहो इए हाल अछि। छात्रा सभ कमरा म' फर्श पर आओर आमक गाछ तर बैस परीक्षा द' रहल छथि।

एहि संबंध म' प्राचार्य मिथिलेश कुमार दास कहलनि कि स्कूल म' संसाधनक घोर अभाव अछि। कुल 9 शिक्षक छथि, स्कूल म' पर्याप्त बेंच-डेस्क नहि अछि। लगभग 16 सौ छात्र - छात्रा सभक लेल भवन व कमरा के सेहो आभाव अछि। जेना - तेना बैस बच्चा सभ परीक्षा दैत छथि। 

अपने क' बता दी किताबक अलावा अगल-बगल बैस छात्र सभ कॉपी सँ सेहो नक़ल करैत छथि। परीक्षा काल बच्चा सभक कमरा म' शिक्षक सेहो नहि रहैत छथि। फिलहाल कारण जे भी होए, मुदा जिला भरी म' चैल रहल  मूल्यांकन परीक्षा तमाम सरकारी दावा केर पोल खोईल देना अछि।