रेल पुलिस द्वारा पिटबासँ नाराज लोग सभ 'ढोली स्टेशन' पर केलनि तोड़फोड़ - मिथिला दैनिक

Breaking

बुधवार, 19 जुलाई 2017

रेल पुलिस द्वारा पिटबासँ नाराज लोग सभ 'ढोली स्टेशन' पर केलनि तोड़फोड़

मुजफ्फरपुर। 19 जुलाई। मुजफ्फरपुर - समस्तीपुर रेल खंड के ढोली स्टेशन पर आरक्षित टिकट लएबाक सवाल पर भेल विवाद म' रेल पुलिस सकरा के मंसूरपुर गाम निवासी चन्द्रशेखर ठाकुर केँ पिटाई क' देलनि। जाहिसँ नाराज लोग सभ ढोली स्टेशन पर हंगामा करैत खूब तोड़फोड़ कएलनि। उग्र भीड़ क' देखैत आरोपी रेल पुलिस फरार भ' गेलैथ। घायल चन्द्रशेखर ठाकुर केँ निजी अस्पताल म' इलाज कराओल गेल।

चन्द्रशेखर ठाकुर कहलनि कि ओ भोर 3 बजे सँ तत्काल टिकट के लेल  लाइन म' ठाढ़ रहैत। जखन टिकट लएबाक बारी आएल तेँ रेल पुलिसक जवान बाहर सँ एक यात्री क' ल पहुंचला आओर पहिने हुनका टिकट दिएबा लागलखिन। जखन चन्द्रशेखर ऐहिक विरोध केलनि तेँ हुनका पकड़ी क' कमरा म' बंद करि बेरहमी सँ पिटलैन्ह। ऐहिक सूचना भेटते बहुत रास स्थानीय लोग स्टेशन पहुंच तोड़फोड़ करे लागल। 

देखते - देखते स्टेशन पर भगदड़ मैच गेल। ढोली स्टेशन के अधीक्षक सहित सभ कर्मचारी कार्यालय छोईड़ फरार भ' गेला, जाहि कारण सँ ट्रेन सभक परिचालन करीब एक घंटा प्रभावित रहल। उग्र भीड़ ढोली स्टेशन के कम्प्यूटरीकृत आरक्षण केंद्र क' पूरा तरहे क्षतिग्रस्त क' देलनि। हंगामा केर सूचना पर पहुंचल सकरा पुलिस क' हंगामा रोकबा म' बहुत मशक्कत करे पड़लैन्ह।