साइरस मिस्त्री क' टाटा संस केँ चेयरमैन पद सँ हटाओल गेल, रतन टाटा लेला अंतरिम प्रभार - मिथिला दैनिक

Breaking

सोमवार, 24 अक्तूबर 2016

साइरस मिस्त्री क' टाटा संस केँ चेयरमैन पद सँ हटाओल गेल, रतन टाटा लेला अंतरिम प्रभार

दिल्ली। 24 अक्टूबर। बिजनेसक दुनिया केँ बड़का घटनाक्रम म' टाटा संस के बोर्ड साइरस मिस्त्री क' चेयरमैन पद सँ हटा देलन्हि। हुनका जगह पर  रतन टाटा क' चारि मासक लेल अंतरिम चेयरमैन नामित कायल गेल छलैन्ह।

मिस्त्री क' नमक सँ ल' केँ ट्रक बनबै बाला 100 अरब डॉलर केँ एहि  विशाल कंपनी समूह केर नेतृत्व चारि बरख पहिने सौपल गेल छलैन्ह। मिस्त्री 29 दिसंबर 2012 क' रतन टाटा केर जगह टाटा समूह केँ एहि होल्डिंग कंपनी केर चेयरैमनक पद ग्रहण केना छलाह।

अपने क' बता दी जखन सायरस मिस्त्री केर ताजपोशी भेल छल ओहि समय कंपनी केँ कारोबार 100 अरब डॉलर छल आर बोर्ड द्वारा कंपनी के बागडोर मिस्त्री के हाथ म' दैत 2022 तक हुनका लेल एहि कारोबार क'  500 अरब डॉलर तक पहुँचेबाक लक्ष्य निर्धारित कायल गेल छल।  लेकिन हाल के बरख म' टाटा ग्रुप केर रफ्तार सुस्त भ' गेलन्हि आर ग्रुप के कैको प्रोजेक्ट गति नहि पकरि पेलन्हि। प्रतिष्ठित 'द इकोनॉमिस्ट' हाल म' टाटा ग्रुप पर एक आलेख लिखने छल जाहि में बताओल गेल छल कि सायरस केर नेतृत्व म' ग्रुप पहिल रफ्तार सँ आगा नहि बढ़ी रहल अछि जे अपेक्षा हुनका सँ कायल गेल छल।