दरभंगा, पूर्णिया समेत 8 जिला मेँ बाढ़िक स्थिति भयावह - मिथिला दैनिक

Breaking

गुरुवार, 28 जुलाई 2016

दरभंगा, पूर्णिया समेत 8 जिला मेँ बाढ़िक स्थिति भयावह

दरभंगा। 28 जुलाई। नेपाल के तराई इलाका आर उत्तर व पूर्वी बिहार मेँ बारिश केर कारण राज्य केँ विभिन्न जिला मेँ बाढ़िक संकट गहरा गेल अछि।

सरकारी आंकड़ा केर मुताबिक़ राज्य केँ 43 प्रखंडक 1500 गाम मेँ बाढ़िक  हालात गंभीर भ' चुकल अछि, जाहि सँ 17 लाख सेँ बेसी केर आवादी  प्रभावित भेल अछि। मुख्यमंत्री नीतीश कुमार आय बाढ़ि प्रभावित क्षेत्र सभक हवाई सर्वेक्षण केलाक।

एखन धरी बाढ़िक पैन मेँ डुबला सँ 17 लोगक  मृत्यु भ' चुकल अछि, जखन कि 10 हजार सेँ बेसी घर तबाह भ' चुकल अछि। पटना स्थित बाढ़ नियंत्रण कक्ष केर मुताबिक, बिहार केँ प्रमुख नदि सभक जलस्तर मेँ वृद्धि दर्ज कायल गेल अछि, जखन कि वीरपुर बैराज मेँ कोसी नदी केर  जलस्तर स्थिर बनल अछि।

नियंत्रण कक्ष म' प्रतिनियुक्त सहायक अभियंता विवेक मंडल कहला कि आय भोर 10 बजे वीरपुर बैराज मेँ कोसी नदीक जलस्तर 2.28 लाख क्यूसेक दर्ज कायल गेल, जखन की वाल्मीकिनगर बैराज मेँ गंडक केर  जलस्तर 2.48 लाख क्यूसेक अछि।

विवेक मंडल कहला कि बागमती, बेनीबाद आर कमला बलान नदी सेहो  झंझारपुर मेँ खतराक निशान सँ ऊपर बही रहल अछि।राज्य म' पूर्णिया, किशनगंज, अररिया, दरभंगा, मधेपुरा, भागलपुर, कटिहार आर सुपौल जिला बाढ़ि सँ प्रभावित अछि।

कैको इलाका मेँ बाढ़िक स्थिति गंभीर बनल अछि, जखन की सीतामढ़ी, शिवहर सहित कैको जिला मेँ बाढ़िक ख़तरा उत्पन्न भ' चुकल अछि।

आपदा प्रबंधन विभाग केर सचिव व्यास जी कहला कि बाढ़ि सँ प्रभावित इलाका केँ स्थिति पर नजर राखल जे रहल अछि, जरूरत पड़ला पर सेना केर मदद लेल जायत।

बाढ़िक सभ सँ बेसी असर पूर्णिया, कटिहार, किशनगंज आर अररिया जिला मेँ अछि।  कटिहार केर हालात पर सेना के सेहो नज़र अछि। एहि सभ जिला मेँ बाढ़ि सँ लगभग तीन लाख सेँ बेसी केर आबादी प्रभावित अछि।

कदवा, आजमनगर, बलरामपुर व प्राणपुर प्रखंडक क्षेत्र मेँ स्थिति विकराल भ' गेल अछि। महानंदा नदी म' उफान सेँ तटबंध केर भीतर  मौजूद लगभग तीन दर्जन सँ बेसी पंचायत जलमग्न भ' गेल अछि।

महानंदा, बखरा, कंकई, परमार आर कोसी नदि मेँ  उफान सेँ पूर्णिया, किशनगंज, अररिया, दरभंगा, मधेपुरा, भागलपुर, कटिहार एवं सुपौल जिलाक स्थिति खराब अछि। प्रभावित गाम मेँ  राहत आर बचाव केर लेल  सात सौ सेँ बेसी नाह तैनात कायल गेल अछि।

एनडीआरएफ आर एसडीआरएफ केँ टीम बाढ़ि प्रभावित इलाका मेँ तैनात कायल गेल अछि। आपदा प्रबंधन विभाग केर मुताबिक, बढ़ी प्रभावित लोग सभक लेल 292 राहत शिविर बनाओल गेल अछि, जाहि मेँ 1.16 लाख लोग शरण लेना छैथ।