हाईटेक होयत बिहार सचिवालय केर सुरक्षा, तेसर आँखिक रहत सभ पर नज़र - मिथिला दैनिक

Breaking

गुरुवार, 28 जुलाई 2016

हाईटेक होयत बिहार सचिवालय केर सुरक्षा, तेसर आँखिक रहत सभ पर नज़र

पटना। 28 जुलाई। राजधानी पटना स्थित बिहार सचिवालय केर सुरक्षा क' चाक-चौबंद कायल जायत। मुख्य सचिव अंजनी कुमार सिंह केर अध्यक्षता म' सचिवालय केँ सुरक्षा लेल एक बैसार भेल, जाहिं मेँ सचिवालय केँ सुरक्षा क' बढेबाक संगे संग हाईटेक करबाक निर्णय लेल गेल।

सचिवालय म' आबै जाय बला हर एक शख्स पर विशेष निगरानी होयत संगहि आगंतुक सभ क' स्कैनर सँ होयत अयबाक तैयारी कायल जे रहल अछि। सुरक्षा मेँ कुनू तरहक चुक नै होय एहि लेल तेसर आँइख सी.सी.टीवी सेहो लगेबाक आदेश देल गेल अछि।

सचिवालय केर सभ गेट केँ संग हर कोना पर वाच टावर सँ निगाह राखल जायत।बैठक म' मुख्य सचिव द्वारा बरखो सँ सचिवालय परिसर मेँ कबाड़ बनल पुरनका गाड़ि सभ केँ हटेबाक आदेश देल गेल अछि।

राति मेँ कुनु बाहरी तत्व परिसर म' घुसे नै एहिलेल सचिवालय परिसर मेँ लाइट टावर सेहो लगाओल जायत। मुख्यसचिव केर अध्यक्षता म' भेल बैसार मेँ गृह सचिव, एडीजी केर अलावा पुलिस हेडक्वार्टर केँ आलाधिकारी मौजूद छलाह। एहि बैसार मेँ पटना केँ डीएम,एसपी सेहो मौजूग छलाह।