दरभंगा : महाशिवरात्रि केँ सुअवसर पर मकरंदा मे निकलल भव्य कलश शोभायात्रा - मिथिला दैनिक

Breaking

बुधवार, 14 फ़रवरी 2018

दरभंगा : महाशिवरात्रि केँ सुअवसर पर मकरंदा मे निकलल भव्य कलश शोभायात्रा

दरभंगा। 14 फरवरी। मनीगाछी प्रखंडक मकरंदा गाम स्थित बाबा कुशेश्वर नाथ महादेव मंदिर प्रांगण मे महाशिवरात्रि केँ सुअवसर पर भव्य कलश शोभा यात्रा आओर शिव विवाह केँ मनोरम झांकी निकालल गेल। राधा गोविंद मंदिरक पोखरि सँ 251 कुंवारी कन्या सभक द्वारा जल भरलाक बाद वाणेश्वरी भगवती स्थान होयत बाबा कुशेश्वर नाथ महादेव मंदिर प्रांगण मे कलश शोभायात्रा पहुंचल।  


एहि अवसर पर आयोजित श्रीमद् भागवत कथा केँ भव्य आयोजन कायल गेल। सांझ 5:00 बजे सँ वृंदावन सँ आयल लाडली देवी देवकी जी द्वारा  संगीतमय भागवत कथा केँ अमृत वर्षा भेल। महाशिवरात्रि केँ सुअवसर पर दूरदराज लोग सभ एहिठाम आबैत अछि। शिव विवाह केँ मनोरम झांकी आओर कलश शोभा यात्राक संग संयोजक डॉ राम मोहन झा, लक्ष्मण कुमार झा उर्फ लड्डू लाल, संजीव कुमार झा, श्याम नारायण झा अनिल कुमार झा, युगो राम मोती सदाय सहित कैको गणमान्य उपस्थित छला।