भारतीय वायु सेना केँ ऑनलाइन परीक्षा लेल वेब पोर्टल केर उद्घाटन भेल - मिथिला दैनिक

Breaking

मंगलवार, 12 दिसंबर 2017

भारतीय वायु सेना केँ ऑनलाइन परीक्षा लेल वेब पोर्टल केर उद्घाटन भेल

नई दिल्ली। 12 दिसम्बर। रक्षा राज्य मंत्री सुभाष भामरे कैल्हि वायु सेना मुख्यालय मे भारतीय वायु सेना केँ ऑनलाइन परीक्षा लेल एक वेब पोर्टल केर उद्घाटन केलनि। एहि अवसर पर ओ भारतीय वायुसेना क' प्रधानमंत्री नरेन्द्र मोदी केँ ‘डिजिटल भारत’ केर दृष्टिकोण मे योगदान लेल बधाई देलनि। सुभाष भामरे प्रगत संगणन विकास केंद्र (सी-डीएसी) केर मदैद सँ ऑनलाइन परीक्षा प्रणाली तैयार करबाक लेल सेहो भारतीय वायु सेना क' बधाई देलनि। एहि अवसर पर एयर मार्शल एसबी देव पीवीएसएम, एवीएसएम, वीएम, वीएसएम, एडीसी, वाइस चीफ ऑफ एयर स्टाफ सभक संग आन वरिष्ठ वायु सेना अधिकारी सेहो उपस्थित छला।

भारतीय वायु सेना ओहि तीन सेवा मे पहिल स्थान पर अछि, जे अधिकारी आओर एयरमैन कैडर केर भर्ती लेल सूचना प्रौद्योगिकी आधारित ऑनलाइन परीक्षण प्रणाली क' अपनेना अछि। एहि प्रस्ताव क' 24 अक्टूबर, 2016 क' रक्षा मंत्री द्वारा सिद्धांत रूप मे अनुमोदित कायल गेल छल। सी-डैक केर सहयोग सँ भारतीय वायुसेना जनवरी, 2018 सँ ऑनलाइन परीक्षा प्रणाली अपनाबे जे रहल अछि। जाहिक लेल ऑनलाइन पंजीकरण 15 दिसंबर, 2017 सँ शुरू होयत। 

भारतीय वायु सेना आओर सी-डीएसी केँ बीच 31 अक्टूबर, 2017 क' एक समझौता पत्र पर हस्ताक्षर कायल गेल छल। 2018 मे होमै बला एफ-कैट आओर एयरमैन कैडर केर परीक्षा नवा प्रणाली केर आधार पर होयत।