सहरसा : बेखौफ अपराधी युवक क' मारलनि गोली, हालत गंभीर - मिथिला दैनिक

Breaking

सोमवार, 20 नवंबर 2017

सहरसा : बेखौफ अपराधी युवक क' मारलनि गोली, हालत गंभीर

सहरसा। 20 नवम्बर। सहरसा मे तमाम प्रशासनिक कवायद केर बावजूद अपराधक घटना पर लगाम नहि लागि रहल अछि। ताजा मामला मे सदर थाना क्षेत्र केँ वार्ड नंबर 28 मे बेखौफ अपराधी सभ 24 वर्षीय एक युवक क' माएर देलनि। गंभीर रूपसँ घायल युवक केर इलाज स्थानीय निजी नर्सिंग होम मे भ' रहल अछि। 

प्राप्त खबैर केर मुताबिक नगर परिषद क्षेत्र केँ वार्ड संख्या 26 अंतर्गत बटराहा निवासी कुंदन सहनी नामक युवक क' कैल्हि रवि दिन देर राति अपराधी सभ गोली माएर घायल क' देलनि। स्थानीय लोग सभ आनन-फानन मे घायल कुंदन सहनी क' सदर अस्पताल मे भर्ती करौलनि। अस्पताल प्रबंधन द्वारा घायल केर स्थिति गंभीर बतबैत नीक इलाजक लेल हुनका रेफर क' देलनि। कुंदन सहनी केँ परिजन सभ हुनका तत्काल निजी नर्सिंग होम मे भर्ती करौलनि जता हुनकर हालत स्थिर बताओल जे रहल अछि। घटना केर सूचना भेटते स्थानीय थानाध्यक्ष व अनुमंडल पुलिस पदाधिकारी घटनास्थल पर पहुंचल। 

घटना केरसंबंध मे भेटल जानकारी केर मुताबिक घायल युवक वार्ड संख्या 28 मे रवि दिनक राति एक प्रोग्राम देखा गेल छला जता कुनू मामूली विवादक बाद हुनका गोली मारल गेल। घायल कुंदन सहनी केर परिजन सभ अस्पताल केँ कुव्यवस्था ल'के नाराजगी सेहो जतौलनि। 

जानकारी केर मुताबिक घायल क' एम्बुलेंस मुहैया नहि कराओल गेल आओर परिजन सभ हुनका ई-रिक्शा पर लादिके निजी नर्सिंग होम मे भर्ती करौलनि। फिलहाल पुलिस मामला के छानबीन क' रहल अछि।