बिहारक 3.3 लाख नियोजित शिक्षक सभ देलनि अनिश्चितकालीन हड़ताल केर चेतावनी - मिथिला दैनिक

Breaking

सोमवार, 13 नवंबर 2017

बिहारक 3.3 लाख नियोजित शिक्षक सभ देलनि अनिश्चितकालीन हड़ताल केर चेतावनी

पटना। 13 नवम्बर। उच्च न्यायालय केँ 'समान काजक लेल समान वेतन' देबाक फैसला क' चुनौती दैत नीतीश सरकार केँ सुप्रीम कोर्ट जेबाक फैसला सँ  क्षुब्ध 3.3 लाख नियोजित शिक्षक सभ आगामी एक फरवरी सँ अनिश्चितकालीन हड़ताल केर चेतावनी देना अछि।

अपने क' बता दी विगत 31 अक्टूबर क' पटना हाईकोर्ट बहुत नमहर सुनवाई के बाद नियोजित शिक्षक सभके समान काजक लेल समान वेतन देबाक फैसला सुनेना छल। प्राप्त खबैर केर मुताबिक अदालत केर फैसला सँ नीतीश सरकार मुश्किल मे फंसैत देखा रहल अछि। 

ऐतिहासिक गांधी मैदान मे कैल्हि रवि दिन भेल बैठक मे 23 शिक्षक संघ द्वारा मिल जनवरी माह तक 'समान काजक लेल समान वेतन' नहि लागू भेला पर एक फरवरी सँ पूर्ण तालाबन्दी केर फैसला कायल गेल। जानकारी केर मुताबिक तालाबंदी केर दौरान शिक्षक सभ फ़रवरी माह मे होमै बला इंटर व मैट्रिक केर परीक्षा आओर मूल्यांकन काजक सेहो बहिष्कार करता।

अनिश्चितकालीन हड़ताल केर चेतावनी दैत 3.30 लाख नियोजित शिक्षक सभ नीतीश सरकार पर आरोप लगबैत कहलनि कि पटना हाईकोर्ट केर  फैसला क' लागू नहि करी सरकार समय टारबाक रवैया अपनाबैत सुप्रीम कोर्ट जेबाक तैयारी क' रहल अछि।