मिथिलाक बेटी 'महिषी' गाम निवासी कोमल कुमारी केर चयन इसरो मे भेल, बनेति रॉकेट - मिथिला दैनिक

Breaking

सोमवार, 13 नवंबर 2017

मिथिलाक बेटी 'महिषी' गाम निवासी कोमल कुमारी केर चयन इसरो मे भेल, बनेति रॉकेट

सहरसा। 13 नवम्बर।[जितमोहन झा (जितू)] इसरो केंद्रीयकृत भर्ती बोर्ड केर अंतर्गत वैज्ञानिक सीएस अभियंता केर वार्षिक परीक्षा मे सफल भ' मिथिलाक बेटी महिषी गाम निवासी कोमल कुमारी मिथिलांचल समेत सगर बिहारक नाम रौशन  केलीह। कोमल केँ पिता मनोरंजन वर्मा मनरेगा के सोशल ऑडिट टीम मे डिस्टिक रिसोर्स पर्सन छथि आओर माँ पूनम वर्मा नेशनल हेल्थ मिशन मे ब्लॉक ट्रेनर छथि आ झारखंड केँ देवघर मे कार्यरत छथि।

कोमल क' इसरो केँ इलेक्ट्रॉनिक एवं कम्युनिकेशन सेक्शन भेटल अछि। अप्पन बेटीक सफलता पर हुनकर माता-पिता ऐहिके माँ उग्रतारा आओर  बाबा बैजनाथ केर आशीर्वाद आ कोमल केर मेहनतक बतौलनि। एहि बाबत कोमल कहलनि कि इसरो राष्ट्रसेवा केर बहुत बड़का माध्यम अछि। ओ वैज्ञानिक बनी देश सेवा मे अप्पन योगदान देती। कोमल दोसरा सभक लेल संदेश दैत कहलनि कि कखनहुँ मेहनत आओर असफलता सँ घबरेबाक नहि चाही। लगातार मेहनत करबा सँ सफलता भेटनाय तय अछि। हमहुँ कैको आन प्रतियोगिता मे भाग लेलहुँ मुदा फाइनल लेल  चयनित नहि भ' पेलहुँ, मुदा मेहनत करैत रहलो। जाहिक परिणाम अछि कि हमर चयन इसरो जेहन बड़का महत्वपूर्ण संस्थान मे भेल। 

कोमल कुमारी कहलनि कि ओ संत माइकल एंग्लो विद्यालय सँ मैट्रिक केर परीक्षा 93.2 प्रतिशत अंक केँ संग उत्तीर्ण केलीह। देवघर कॉलेज सँ इंटर मे 74.2 प्रतिशत अंक केँ संग ओ जिला मे सेकेंड टॉपर रहली। बीआईटी सिंदरी से बीटेक कराई बाली कोमल आईआईटी दिल्ली मे एमटेक क' रहल छथि। 

अपने क' बता दी इसरो केंद्रीयकृत भर्ती बोर्ड वैज्ञानिक सीएस अभियंता केर वार्षिक परीक्षा मे 50 हजार परीक्षार्थी शामिल भेल छल। सफल प्रतिभागी सभमे 350 अभ्यर्थि सभक चयन साक्षात्कार केँ लेल भेल। साक्षात्कार केँ बाद चयनित 40 प्रतिभागी सभमे 69 औसत स्कोरक संग कोमल 13हम स्थान पर रहली।