सहरसा : पुलिसक कार्रवाई मे 4 क्विंटल गांजा संग एक तस्कर गिरफ्तार, एक फरार - मिथिला दैनिक

Breaking

मंगलवार, 28 नवंबर 2017

सहरसा : पुलिसक कार्रवाई मे 4 क्विंटल गांजा संग एक तस्कर गिरफ्तार, एक फरार

सहरसा। 28 नवम्बर। गुप्त सूचना केर आधार पर पुलिस द्वारा महिषी थाना क्षेत्र के राजनपुर गाम सँ रामप्रवेश साह नामक व्यक्ति केर घर सँ तकरीबन 4 क्विंटल गांजा समेत डेढ़ लाख सँ बेसी नकदी बरामद कायल गेल, संगहि एक कारोबारी क' सेहो गिरफ्तार कायल गेल। 

प्राप्त खबैर केर मुताबिक नशा मुक्ति दिवस पर जिला प्रशासन के कार्रवाई मे सफलता भेटल अछि। सदर एसडीओ प्रशांत कुमार आओर एसडीपीओ प्रभाकर तिवारी केर नेतृत्व मे छापामारी केर दौरान भारी मात्रा मे गांजा बरामद कायल गेल अछि। ओतहि छापामारी सँ पूरा इलाका मे हड़कंप मचल अछि। 

अपने क' बता दी कोसी केर कछार मे बसल राजनपुर गाम मे एतेक बड़का गांजा के खेप भेटब साबित करैत अछि कि ऐहिक धंधा एहि इलाका मे खूब चैल रहल अछि। एता एक छोट बाजार सेहो अछि जता तटबंधक भीतरी इलाका के लोगक बीच एहि तरहक नशीला पदार्थ क' खपायल जायत अछि। ई इलाका नशीला पदार्थक कारोबार लेल बहुत फेमस अछि। ओनाकि एहि छापामारी मे एक कारोबारी फरार होमै मे सफल रहला। जिनकर गिरफ्तारी के लेल लगातार छापामारी कायल जे रहल अछि।