समस्तीपुर : शराब तस्कर आओर पुलिस सभक बीच भेल मुठभेड़ मे हवलदार अनिल कुमार शहीद - मिथिला दैनिक

Breaking

मंगलवार, 28 नवंबर 2017

समस्तीपुर : शराब तस्कर आओर पुलिस सभक बीच भेल मुठभेड़ मे हवलदार अनिल कुमार शहीद

समस्तीपुर। 28 नवम्बर। हलई ओपी अंतर्गत इंद्रवारा केवल स्थान मे पुलिस आओर शराब तस्कर सभक बीच कैल्हि सोम दिनक देर राति भेल मुठभेड़ मे बिहार मिलिट्री पुलिस केर हवलदार अनिल कुमार शहीद भ' गेला। 

प्राप्त खबैर केर मुताबिक सरायरंजन पुलिस क' भेटल गुप्त सूचना केर  आधार पर ई कार्रवाई कायल गेल छल। जानकारी केर मुताबिक स्थानीय पुलिस क' भारी मात्रा मे शराब तस्कर सभक सूचना भेटल छल। सूचना के मद्देनजर कार्रवाई करे पहुंचल बिहार मिलिट्री पुलिस के हवलदार अनिल कुमार आओर सरायरंजन थाना प्रभारी पर अपराधी सभ हमला क' देलनि।

अपने क' बता दी पछिला किछु दिन सँ शराब आओर आन नशीला पदार्थ भारी मात्रा मे बरामद आओर जब्त कायल जे रहल छल। एहि कड़ी मे शराब केर बड़का खेप उतरबाक जानकारी भेटला पर कार्रवाई के लेल पुलिस टीम पहुंचल छल। पुलिस आओर अपराधी सभक बीच मुठभेड़ केर सुचना भेटते एसपी दीपक रंजन पुलिस बल केर संग घटनास्थल पर पहुंच मामला केर छानबीन केलनि।

एहि हिंसक मुठभेड़ मे सरायरंजन थानाप्रभारी मनोज कुमार क' सेहो हाथ मे गोली लागल अछि। बताओल जे रहल अछि कि दुनू दिस सँ 50 राउंड से बेसी फायरिंग कायल गेल। अपराधी सभक गिरफ्तारी लेल पूरा इलाका क' सील करि छापामारी अभियान चलाओल जे रहल अछि।

बताओल जे रहल अछि कि एकाएक भेल हमला के कारण  हवलदार अनिल कुमार गंभीर रूप सँ घायल भ' गेला। आनन-फानन मे इलाजक लेल ल' जेबाक दौरान हवलदार अनिल कुमार शहीद भ' गेला।