देश भरी म' खूब धूम घाम सँ मनाओल गेल छठ पूजा, व्रती सभ आय उदीयमान सूर्य क' देलनि अर्घ्य - मिथिला दैनिक

Breaking

शुक्रवार, 27 अक्तूबर 2017

देश भरी म' खूब धूम घाम सँ मनाओल गेल छठ पूजा, व्रती सभ आय उदीयमान सूर्य क' देलनि अर्घ्य

पटना। 27 अक्टूबर। आस्था के महापर्व छठ पूजाक अंतिम दिन आय भोर  उगैत सूर्य क' व्रती लोकनि अर्घ्य देलनि। एहि दौरान बिहार, झारखण्ड, उत्तर प्रदेश समेत पूरा देश भक्ति के रंग सँ सराबोर रहल। गाम - मोहल्ला सँ ल' क' गंगा घाट धरिक पूरा इलाका म' छठ पूजा केँ पारंपरिक व कर्णप्रिय गीत गुंजैत रहल। ओतहि देश भरिक अलग-अलग हिस्सा म' नदी - तालाब सभक कात म' बनाओल गेल घाट सभ पर श्रद्धालु सभक सैलाब देखबाक लेल भेटल। राजधानी पटना के विभिन्न घाट पर सेहो लाखो के  संख्या म' लोग सभ उदीयमान सूर्य क' अर्घ्य देबाक लेल पहुंचल।


चारि दिनक ई महापर्व मंगल दिन नहाय-खाय सँ शुरू भेल छल। ओतहि दोसरदिन बुध क' खरना के उल्लास देखल गेल। चारि दिवसीय एहि लोकपर्व ल' क' व्रती सभमे बहुत उत्साह देखल गेल। छठी मइया के गीत सँ पूरा वातावरण म' भक्ति केर संचार भ' रहल अछि आओर एखनहुँ पूरा माहौल छठमय बनल अछि।