सहरसा : पशु अंग भेटलाक बाद उत्पन्न तनाव सामान्य भेल, आए सांझ सँ शुरू होएत इंटरनेट सेवा - मिथिला दैनिक

Breaking

गुरुवार, 10 अगस्त 2017

सहरसा : पशु अंग भेटलाक बाद उत्पन्न तनाव सामान्य भेल, आए सांझ सँ शुरू होएत इंटरनेट सेवा

सहरसा। 10 अगस्त। काशनगर ओपी क्षेत्र के पड़ड़िया गाम म' स्थिति आब अस्थिर - अस्थिर सामान्य भ' रहल अछि। ओनाकि एखनो पुलिस एहिठाम कैंप लगेने अछि। प्रशासन द्वारा पूरा पड़ड़िया पंचायत म' छह पुलिस केन्द्र स्थापित करि  दर्जनों पुलिस बल, दंगा निरोधक बल, आंसू गैस दस्ता समेत छह दंडाधिकारी केर प्रतिनियुक्ति अगला आदेश तक काएल गेल अछि। 

अपने क' बता दी मंगल दिनक भोर पड़ड़िया म' एक बोरा म' पशु के अंग भेटल छल, जाहिक बाद दू समुदाय के बीच तनाव उत्पन्न भ' गेल छल। तनाव एतेक बढ़ी गेल छल कि हालात क' काबू म' करबाक लेल प्रशासन द्वारा सहरसा म' मोबाइल इंटरनेट आओर मैसेजिंग सर्विस पर रोक लगाओल गेल। खबैर अछि की हालात सामान्य होयबा पर आए सांझ स' इंटरनेट सेवा शुरू भ' जाएत। 

पड़ड़िया गाम म' मौजूद सिमरीबख्तियारपुर के  इंसपेक्टर सत्यनारायण राय कहलनि कि पूरा पड़ड़िया गाम क'प छह भाग म' बाँटीके पुलिस बल तैनात काएल गेल अछि। जाहिमे सोनवर्षा थाना सँ एएसआई विनोद चौधरी, अनिल कुमार, कमलकांत तिवारी, सिमरीबख्तियारपुर थाना सँ अजीत कुमार, ललित मंडल आओर सलखुआ थाना सँ महेश्वर प्रसाद क' तैनात काएल गेल अछि। ओतहि दंडाधिकारी के रूप म' सिमरीबख्तियारपुर के प्रखंड शिक्षा पदाधिकारी अशोक कुमार, सत्तर कटैया के प्रखंड कृषि पदाधिकारी मनोज कुमार सिंह, सोनवर्षा कृषि पदाधिकारी मनबोध पासवान क' तैनात काएल गेल अछि। स्थानीय विधायक रत्नेश सादा कैल्हि बुधदिन पड़रिया पहुंच दुनू समुदाय सँ शांति बनेबाक अपील केलनि। एखन पड़ड़िया के स्थिति सामान्य बताओल जे रहल अछि।