बेनामी संपत्ति मामला म' राबड़ी आओर तेजस्वी यादव सँ इनकम टैक्स विभाग केर पूछताछ - मिथिला दैनिक

Breaking

मंगलवार, 29 अगस्त 2017

बेनामी संपत्ति मामला म' राबड़ी आओर तेजस्वी यादव सँ इनकम टैक्स विभाग केर पूछताछ

पटना। 29 अगस्त। बेनामी संपत्ति मामला म' लालू परिवार केर मुश्किल एक बेर फेर सँ बढ़ी गेल अछि। रैली के बाद आए मंगल दिन पटना स्थित आयकर विभाग के ऑफिस म' पूर्व मुख्यमंत्री राबड़ी देवी व तेजस्वी यादव सँ आयकर विभाग पूछताछ केलनि।

दरअसल, आयकर विभाग द्वारा सभसँ पहिने तेजस्वी यादव क' पूछताछ लेल बजाओल गेल। दुपहर करीब 12 बजे सँ तेजस्वी यादव सँ पूछताछ काएल गेल। ओहिक बाद 2 बजे राबड़ी देवी क' पूछताछ लेल बजाओल गेल। प्राप्त सूचनाक मुताबिक आयकर विभाग केँ अधिकारी सभ द्वारा पूछल गेल सवाल म' दुनू उलझैत नजैर आएल।

एहिसँ पहिने दिल्ली म' मीसा भारती आओर हुनकर पति सँ सेहो आयकर विभाग पूछताछ केना छल। दरअसल, किछु दिन पहिने आयकर विभाग तेजस्वी यादव, राबड़ी देवी आओर मीसा भारती केर खिलाफ बेनामी संपत्ति ल'क' जांच शुरू शुरू केना छल। गौरतलब अछि कि बेनामी संपत्ति ल'क' आरजेडी व लालू यादव कहैत रहल छथि कि बीजेपी जानीबूझी क' एहि मामला म' हुनका फंसा रहल अछि।