घर म' लागल आगिक चपेट म' अएलासँ दू बुच्चिया समेत पति - पत्नी केँ मौत - मिथिला दैनिक

Breaking

गुरुवार, 13 जुलाई 2017

घर म' लागल आगिक चपेट म' अएलासँ दू बुच्चिया समेत पति - पत्नी केँ मौत

समस्तीपुर। 13 जुलाई। ह्रदय विदारित करै बला घटना म' एकहि परिवार के 4 लोगग आगिक चपेट म' अएलासँ मौत भ' गेल।  जिला के पूसा थानाक महमदा गाम म' कैल्हि बुधवार राति ई दर्दनाक हादसा भेल।

पूसा थाना प्रभारी संजीत कुमार कहलनि कि घर म' आगि लगलाक बाद दम घुटला सँ सभक मौत भेल। मुदा मामला के खुलासा पोस्टमार्टम रिपोर्ट  अएला के बाद काएल जाएत। घटना के सम्बन्ध म' स्थानीय लोग सभक कहब छैन्ह कि कैल्हि  देर राति घर म' एकाएक आगि लगबाक कारण ई हादसा भेल। 

बताओल जे रहल अछि कि हादसा के समय घरक सभ सदस्य सुतल रहथिन, ओहि दौरान घर म' राखल डिबिया स' बिछौना म' आगि लाएग गेल आओर ई दर्दनाक हादसा भेल। मृतक म' मुकेश राय पत्नी रूपा देवी आओर दू बुच्चिया कल्पना आओर आंचल शामिल अछि।