स्वास्थ्य मंत्री तेज प्रताप के पेट्रोल पंपक लाइसेंस रद्द, बीजेपी मांगलनि इस्तीफा - मिथिला दैनिक

Breaking

शुक्रवार, 21 जुलाई 2017

स्वास्थ्य मंत्री तेज प्रताप के पेट्रोल पंपक लाइसेंस रद्द, बीजेपी मांगलनि इस्तीफा

पटना। 21 जुलाई। भारत पेट्रोलियम कॉरपोरेशन (BPCL) स्वास्थ्य मंत्री आओर आरजेडी सुप्रीमो लालू यादव के बड़का बेटा तेज प्रताप के पेट्रोल पंपक लाइसेंस कैंसिल क' देलनि। लाइसेंस रद्द करबाक पाछा कारण बताओल गेल अछि कि ओ पेट्रोल पंपक लाइसेंस लेबा म' गलत जानकारी के आधार पर आवेदन केलनि। 

बताओल जे रहल अछि कि बीपीसीएल अधिकारी सभक एक टीम पेट्रोल पंप पहुंच लाइसेंस रद्द होएबाक नोटिस देलनि। बीपीसीएल ई कार्रवाई तखन कएलनि अछि जखन कोर्ट द्वारा तेज प्रताप यादव के पेट्रोल पंप पर तेल कंपनी के कार्रवाई पर लगाओल स्थगन हटा लेलनि। 

ई कार्रवाई एहेन समय म' भ' रहल अछि जखन लालू आओर हुनकर परिवार पर बेनामी संपत्ति लेल कार्रवाई चैल रहल अछि। एहि बीच भारतीय जनता पार्टी आब उपमुख्यमंत्री तेजस्वी यादव के संगे संग आब तेज प्रताप के सेहो इस्तीफा मैंग रहल अछि।