अवैध संबंध के कारण भेल छल भाजपा नेता कृष्णा शाही केँ हत्या - मिथिला दैनिक

Breaking

गुरुवार, 20 जुलाई 2017

अवैध संबंध के कारण भेल छल भाजपा नेता कृष्णा शाही केँ हत्या

गोपालगंज। 20 जुलाई। कैल्हि बुधदिन भारतीय जनता पार्टी (बीजेपी) के नेता कृष्णा शाही के हत्याक पाछू अवैध संबंध बताओल जे रहल अछि।  पुलिस आए एहि हत्याकांड के खुलासा करवाक दावा कएलनि कि शाही के  हत्या अवैध संबंध के कारण भेल छल। पुलिस के कहब अछि कि एहि मामला म' मुख्य आरोपी क' गिरफ्तार क' लेल गेल अछि। 

गोपालगंज के पुलिस अधीक्षक रवि रंजन आए गुरुदिन एता एक संवाददाता सम्मेलन म' कहलनि कि अवैध संबंध के कारण कृष्णा शाही के हत्या भेल अछि। मृतक के अपने करीबी आदित्य राय के बहिनक संग  अवैध संबंध छल। अवैध संबंध के जानकारी आदित्य क' 15 दिन पहिने भेल छल, जाहिक बाद कृष्णा के हत्याक साजिश रचल गेल।

रवि रंजन कहलनि कि विगत मंगल के राति कृष्णा शाही आदित्य के घर गेल छलाह, जता हुनका भोजन म' जहर मिला खुवाओल गेल, जाहिसँ हुनकर मौत भ' गेल। बाद म' शव क' बगल के एक इनार म' गिरा देल गेल। पुलिस आदित्य क' गिरफ्तार क' लेना अछि। 

अपने क' बता दी हथुआ थाना के चैनपुर गाम निवासी आओर बीजेपी व्यावसायिक प्रकोष्ठ के प्रदेश प्रभारी शाही मंगलक राति मांझा गाम  निवासी लालबाबू राय के श्राद्घकर्म में भाग लेबा ओता गेल छलाह। जाहिक बाद ओ वापस घर नहि पहुंचला।

चैनपुर पंचायत के मुखिया शांता शाही के पति शाही के लापता होयबाक सूचना पुलिस क' बुधदिनक भोर देल गेल। पुलिस जखन खोजबीन शरू केलनि तेँ हुनकर शव मांझा गाम के एक इनार सँ बरामद भेल। पुलिसक छानबीन सँ पता चलल कि श्राद्धकर्म म' भाग लेबाक बाद शाही आदित्य के घर गेल छला, जाता हुनकर हत्या क' देल गेल।