शराब माफिया के पकड़े पहुँचल पुलिस टीम पर हमला, सर्विस रिवॉल्वर सेहो छीनलैन्ह - मिथिला दैनिक

Breaking

शनिवार, 15 अप्रैल 2017

शराब माफिया के पकड़े पहुँचल पुलिस टीम पर हमला, सर्विस रिवॉल्वर सेहो छीनलैन्ह

मुजफ्फरपुर। 15 अप्रैल।  पूरा राज्य मे पूर्ण शराबबंदी के बादो शराब माफिया लगातार सक्रिय अछि। आय शनिवार दिन मुजफ्फरपुर मे शराब माफिया सभ पुलिस टीम के निशाना बनौलैन्ह। एहि दौरान छापेमारी करे पहुँचल टीम पर गामक लोग सभ हमला क' देलनि आओर पुलिसकर्मि सभक पिटाई करबाक संगे संग सर्विस रिवॉल्वर सेहो लुइट लेलैन्ह।

प्राप्त जानकारी केर मुताबिक पुलिस शराब के बरामदगी मामलाक आरोपी शिक्षक के गिरफ्तार करे पहुँचल छल। एहि दौरान बोचहां थाना पुलिस के लोग सभक भारी आक्रोश के सामान करे पड़लैन्ह। पहिने ग्रामीण सभ पुलिस संग कहा सुनी केलैन्ह। फेर देखते देखते पुलिस पर हमला क' देलैन्ह।  एहि दौरान भीड़ मे एक पुलिसकर्मी के रिवॉल्वर सेहो लुइट लेल गेल। पुलिस टीम आरोपी शिक्षक सुंदर लाल सहनी के गिरफ्तार करे पहुँचल छल। ग्रामीण सभक हमला सँ घायल दू एसआई, एक एएसआई समेत पांच पुलिसकर्मि सभके बोचहां पीएचसी मे इलाज लेल भर्ती कराओल गेल अछि। 

अपने के बता दी कि किछु दिन पहिने पूर्व शिक्षक के घरक पाछा शराब के बोतल पाओल गेल छल। जाहिक आधार पर पुलिस आय शनिवार दिन  पूर्व शिक्षक के हिरासत मे लेबा पहुँचल छल। स्थानीय लोग सभक आरोप अछि कि पुलिस बिना वारंट के ओता पहुँचल छल संगहि लोग सभ इयो आरोप लगौलैन्ह कि बिना जांच पड़ताल के पूर्व शिक्षक के पुलिस गिरफ्तार करे पहुँचल छल।  

एहि घटना के बाद इलाका मे तनाव केर स्थिति अछि। पुलिस मामला के सम्हारबाक लेल आन थाना के पुलिस के मौक़ा पर बजौलैन्ह। पुलिस हालात के काबू करबा मे कुनु कसर नहि छोड़लैन्ह। ओतहि पुलिस के अधिकारि सभक कहब अछि कि कुनूभि हाल मे गुनहगार के बख्शल नहि जायत।