15 नवम्बर स' किसान सभ सँ धान कीनत सरकार, ऑनलाइन रजिस्ट्रेशन अनिवार्य - मिथिला दैनिक

Breaking

सोमवार, 7 नवंबर 2016

15 नवम्बर स' किसान सभ सँ धान कीनत सरकार, ऑनलाइन रजिस्ट्रेशन अनिवार्य

पटना। 07 नवम्बर। बिहार म' धान अधिप्राप्ति केर प्रक्रिया 15 नवम्बर स' शुरू होयत। किसान सभक धान किनबाक लेल बिहार सरकार शनिवार दिन सँ रजिस्ट्रेशन प्रक्रिया शुरु क' देना अछि।

सहकारिता मंत्री आलोक मेहता रजिस्ट्रेशन के लेल सॉफ्टवेयर आर एप्स लांच केलन्हि। कुनु भी किसान बिहार सरकार के सरकारी वेबसाइट के सहकारिता विभाग पर ऑनलाइन रजिस्ट्रेशन करा सकैत छैथ। ओहिठाम  रजिस्ट्रेशन संबंधित लिंक देल गेल अछि।

एप्स लांच करबाक मौक़ा पर सहकारिता मंत्री कहला कि धान खरीददारी म' पूरा तरहे पारदर्शिता रखबाक लेल पहली बेर किसान सभ सँ ऑनलाइन रजिस्ट्रेशन कराओल जे रहल अछि। कुनु भी किसान कतहुँ से रजिस्ट्रेशन करा सकैत छैथ।  ऐहिक अलावा प्रखंड कार्यालय म' सेहो ऑफलाइन रजिस्ट्रेशन करबाक व्यवस्था कायल जे रहल अछि।

दरअसल नीतीश सरकार किसान सभक धान केर बाजिव दाम दियेबाक लेल 1470 टक्का प्रति क्विंटल धान अधिप्राप्ति करबाक फैसला केना अछि। एहि बेर किसान सभ क' धान बेचबाक लेल हर हाल म' ऑनलाइन रजिस्ट्रेशन करबे परतैन्ह।