मिथिलाक बेटी शिल्पी बनली टेरीटोरियल आर्मी (प्रादेशिक सेना) केर पहिल महिला अफसर - मिथिला दैनिक

Breaking

शुक्रवार, 7 अक्तूबर 2016

मिथिलाक बेटी शिल्पी बनली टेरीटोरियल आर्मी (प्रादेशिक सेना) केर पहिल महिला अफसर

कटिहार। 07 अक्टूबर। मिथिलाक बेटी शिल्पी गर्गमुख प्रादेशिक सेना केर  पहली महिला अफसर बानी अप्पन परिजन सहित पूरा मिथिलांचल क' गौरवांवित केलीह। राष्ट्रपति प्रणव मुखर्जी आगामी नौ अक्टूबर क' टेरीटोरियल आर्मी डे केर मौका पर आर्मी परेड ग्राउंड, दिल्ली कैन्ट म' शिल्पी क' पुरस्कृत करता।

कटिहार नगर निगम क्षेत्र निवासी अधिवक्ता रेणु तिवारी केँ पुत्री शिल्पी केर चयन तीन बरख पहिने ओएनजीसी अंकलेश्वर, गुजरात म' भेल छल।   कटिहार केँ ज्वाहर नवोदय विद्यालय सँ बरख 2006 म' दसवीं केर परिक्षा म' टॉपर रहल शिल्पी केर प्रारंभिक शिक्षा कटिहार म' भेलन्हि।

डीपीएस बोकारो सँ 12वीं केर  परीक्षा पास करि शिल्पी बीआईटी सिंदरी म' केमिकल इंजीनियरिंग म' स्नातक केर डिग्री लेलिह आर ओएनजीसी म' बतौर अभियंता शिल्पी केर चयन भेलन्हि।

एहिसेँ  पहिने शिल्पी के भाई सौरभ आनंद 2008 म' सेना म' चयनित भ' राष्ट्रपति सँ पुरस्कार प्राप्त क' चुकल छैथ। आब शिल्पी केर एहि उपलब्धि पर हुनकर पिता वाईएन तिवारी आर माता रेणु तिवारी समेत परिजन व कटिहारवासी गौरवान्वित छैथ।

अपने क' बता दी, टेरिटोरियल आर्मी यानी प्रादेशिक सेना क' देश म' जरूरत पड़ला  पर रक्षा काज म' लगाओल जायत अछि।