आब हर सोम दिन नीतीश जी जनता सँ करता सीधा संवाद - मिथिला दैनिक

Breaking

शनिवार, 22 अक्तूबर 2016

आब हर सोम दिन नीतीश जी जनता सँ करता सीधा संवाद

पटना। 22 अक्टूबर। बिहार सरकार कैल्ह शुक्रवार दिन कैबिनेट बैठक म' 9 अहम एजेंडा पर मुहर लगौलनि। जाहि म' सबसे महत्वपूर्ण मुख्यमंत्री नीतीश कुमार केँ "लोक संवाद कार्यक्रम" केर शुरुआत अछि। ऐहिक अंतर्गत आगामी दिसम्बर सँ हर सोमवार क' नीतीश जनता सँ जुड़ल 50 समस्या सुनता।

कैबिनेट के फैसलाक बाद आब नीतीश कुमार फेर सँ लोग सभ सँ मिलता आ  हुनकर सुझाव सेहो लेता। लोक संवाद कार्यक्रम क' हरियर झंडा भेटलाक बाद आब नीतीश सरकार के नीति, योजना सभक लेल सेहो लोग सँ सुझाव लेल जायत।

कैबिनेट केँ फैसलाक बाद शिक्षक सभक लेल खुशखबरी आयल अछि।  गैर सरकारी सहायता प्राप्त प्रारंभिक स्कूल सभक शिक्षक क' बकाया वेतन भेटत।  प्रारंभिक विद्यालय सभक शिक्षक एवं शिक्षकेतर कर्मचारि क' वेतनादि के भुगतान लेल वित्तीय वर्ष 2016–17 म' कुल 25 करोड़ राशि केँ स्वीकृति भेटल। ओतहि कैबिनेट केर बैठक म' बिहार चौकीदार संवर्ग नियमावली -2016 क' सेहो  स्वीकृति भेटल। आब चौकीदार आर दफादार सभ क' प्रोन्नति भेटत।

बैठक म' कोसी नदी पर निर्माणधीन पुल के पहुंच पथ के लेल  404 करोड़ स्वीकृत कायल गेल। एहि सँ  2 लेनक 13.06 किमी के  पुल बनाओल जायत। सिंचाई योजना के निर्माण लेल 20.96 करोड़ टक्का केँ स्वीकृति सेहो भेटल।