गोपालगंज केस म' 25 पुलिसकर्मी सस्पेंड, इलाका सँ 1000 लीटर अवैध शराब जब्त - मिथिला दैनिक

Breaking

शुक्रवार, 19 अगस्त 2016

गोपालगंज केस म' 25 पुलिसकर्मी सस्पेंड, इलाका सँ 1000 लीटर अवैध शराब जब्त

गोपालगंज। 19 अगस्त। गोपालगंज म' कथित तौर पर जहरीला शराब  पिला सँ भेल 13 मौत सेँ प्रशासन आर सरकार दुनु सतर्क भ' गेल अछि।  मुख्यमंत्री नीतीश कुमार एहि मौत के पाछा जहरीला शराब केँ कारण सँ इनकार नै केलाह, ओतहि एसपी रवि रंजन कुमार कड़ा एक्शन लैत कैल्ह गुरुवार दिन नगर थाना केँ कुल 25 पुलिसकर्मि क' निलंबित क' देलन्हि।

निलंबित अधिकारि सभ मेँ  नगर थाना केँ इंस्पेक्टर बी.पी आलोक, सब इंस्पेक्टर अमित कुमार शामिल छैथ। सभ पुलिसकर्मि क' कर्तव्य केर उपेक्षा करबाक कारण निलंबित कायल गेलनि।  निलंबन केँ बारे म' बात करैत एसपी रवि रंजन कहला कि, 'बिहार म' शराबबंदी लागू भेलाक  बावजूद नगर थाना केँ पुलिसकर्मी इलाका म' कुनु जांच या छापेमारी नै केलन्हि। जखन की हुनका सभक इलाका खजूर वानी म' अवैध शराब बनाओल जायत छल।


बिहार सरकार केँ शराबबंदी अभियान क' गहरा झटका तखन लागल जखन गोपालगंज म' बुधवार दिन 13 लोगक मौतक अगला दिन इलाका सँ 1000 लीटर अवैध शराब जब्त भेल छल। पुलिस द्वारा जमीन खोदी केँ ई शराब जब्त कायल गेल छल।