कटिहार। 29 जुलाई। बिहार क' सीधा कोलकाता सँ जोड़ै बला 90 किलोमीटर के कटिहार - मालदह रेलखण्डक विद्युतीकरण के काज पूरा भ' गेल अछि। एनईएफ रेलवे सर्किल के कमिश्नर ऑफ़ रेलवे सेफ्टी, सीके पाठक आए शनिदिन विद्युतीकरण काज के मुआयना करबाक लेल कटिहार पहुंच चुकल छथि।
कटिहार रेल मंडल के डीआरएम चन्द्र प्रकाश गुप्ता कहलनि कि विद्युतीकरण काज के मुआयना करबाक बाद रेलखण्ड म' विद्युत इंजन के ट्रायल काएल जाएत आओर सभ किछु ठीक रहला पर आगामी पंद्रह अगस्त सँ एहि ट्रैक पर गाड़ी बिजली सँ चले लागत।
चन्द्र प्रकाश गुप्ता कहलनि कि कटिहार - मालदह रेलखण्ड सीधा बिहार क' कोलकाता सँ जोड़ैत अछि। आजादी के बाद सँ एखन धरी डीजले इंजन चलाओल जाएत छल, मुदा वर्त्तमान केंद्र सरकार के रेलमंत्री सुरेश प्रभु द्वारा कैको बरख सँ लंबित एहि रेलखण्ड के विद्युतीकरण काज म' तेजी आंबाक आदेश देल गेल अछि। विद्युतीकरण के काज पूरा भ' चुकल अछि आओर आगामी पन्द्रह अगस्त स' एहि ट्रैक पर बिजली इंजन चलबाक पूरा संभावना अछि।
0 टिप्पणियाँ
मिथिला दैनिक (पहिने मैथिल आर मिथिला) टीमकेँ अपन रचनात्मक सुझाव आ टीका-टिप्पणीसँ अवगत कराऊ, पाठक लोकनि एहि जालवृत्तकेँ मैथिलीक सभसँ लोकप्रिय आ सर्वग्राह्य जालवृत्तक स्थान पर बैसेने अछि। अहाँ अपन सुझाव संगहि एहि जालवृत्त पर प्रकाशित करबाक लेल अपन रचना ई-पत्र द्वारा mithiladainik@gmail.com पर सेहो पठा सकैत छी।