मधुबनी : सुशासन बाबू केर राज मे बेखौफ अछि अपराधी - मिथिला दैनिक

Breaking

बुधवार, 27 दिसंबर 2017

मधुबनी : सुशासन बाबू केर राज मे बेखौफ अछि अपराधी

मधुबनी। 27 दिसम्बर। [प्रणव चैधरी] मधुबनी जिलाक अंधराठाढ़ इलाका मे अपराधी सभ एक युवक क' गोली मारी घायल क' देलक। फिलहाल युवक क' घायल अवस्था मे दरभंगा मेडिकल कॉलेज अस्पताल मे भर्ती कराओल गेल अछि। एहि घटना क' अंजाम देलाक बाद अपराधी सभ मौका सँ फरार भ' गेल।

प्राप्त खबैर केर मुताबिक अपराधी सभ 25 बरखक आनंद क' मरुकिया कबीर चौक लग कैल्हि मंगल दिनक सांझ मे गोली मारी घायल क' देलक।  एहि घटनाक बाद युवक क' स्थानीय रेफरल अस्पताल मे भर्ती कराओल गेल जता डॉक्टर सभ हुनकर गंभीर हालत क' देखैत दरभंगा मेडिकल कॉलेज अस्पताल रेफर क' देलक। घायल युवक आनंद जिलाक परसा गाम निवासी बताओल जे रहल अछि। 

अपराधी सभ युवक क' गोली किएक मारलक, फिलहाल ऐहिक पता नहि लगाओल जे सकल अछि। पुलिस मामाला दर्ज करी अंधराठाढ़ी आओर अगल - बगल केर इलाका म' अपराधी सभक पहिचान आओर गिरफ्तारी केर कोशिश तेज क' देना अछि।