मुजफ्फरपुर : शराबी सभकेँ पकड़े पहुंचल पुलिस पर जानलेवा हमला, कैको पुलिसकर्मी घायल - मिथिला दैनिक

Breaking

मंगलवार, 26 दिसंबर 2017

मुजफ्फरपुर : शराबी सभकेँ पकड़े पहुंचल पुलिस पर जानलेवा हमला, कैको पुलिसकर्मी घायल

मुजफ्फरपुर। 26 दिसम्बर। मनियारी थाना क्षेत्रक माधोपुर मे पियक्कड़ सभकेँ पकरड़बाक आओर शराबक अड्डा पर छापामारी करे पहुंचल पुलिस टीम पर शराबी सभ हमला क' देलक। एहि हमला मे कैको पुलिसकर्मी घायल बताओल जे रहल अछि। पुलिसकर्मी सभकेँ ओता सँ जान बचा भागे पड़ल।

प्राप्त जानकारी केर मुताबिक पुलिस क' सूचना भेटल छल कि मनियारी थाना क्षेत्रक माधोपुर मे अवैध शराबक कारोबार चैल रहल अछि। जाहिक बाद पुलिस इलाके मे छापामारी करे पहुंचल। बताओल जे रहल अछि कि एक नवनिर्मित मकान मे आधा दर्जन लोग सभ  शराब पीब हो- हल्ला करैत पाओल गेलथि।

ओतहि, पुलिस दू शराबी क' मौका सँ हिरासत मे लेलक। बांकी आन शराबी फरार भ' गेलथि। कनीये देरक बाद  50 सँ बेसी संख्या मे महिला व पुरुष लाठी-डंडा ल' घटना स्थल पर पहुँचल आओर पुलिस सभकेँ घेर लेलक। जाहिक बाद पुलिस पर लाठी-डंडा सँ हमला शुरू भ' गेल। एहि हमला मे कैको पुलिसकर्मी गंभीर रुपे घायल भ' गेलथि जिनका सभक इलाज अलग- अलग अस्पताल म भ' रहल अछि। मनियारी थाना केँ घायल पुलिसकर्मी बीडी राम कहलनि कि बहुत संख्या मे आयल लोग सभक एकाएक हमला क' देलक जाहिमे कैको पुलिसकर्मी घायल भ' गेलथि।