यात्रीगण कने ध्यान दी, 10 दिन धरी रद रहत "संपूर्ण क्रांति एक्सप्रेस" - मिथिला दैनिक

Breaking

बुधवार, 29 नवंबर 2017

यात्रीगण कने ध्यान दी, 10 दिन धरी रद रहत "संपूर्ण क्रांति एक्सप्रेस"

पटना। 29 नवम्बर। जाड़ मास शुरू होयते भारतीय रेलवे केँ चाल सेहो बदले लागल अछि। अक्टूबरे मास सँ ट्रेन सभक लेटलतीफी यात्री सभके कना रहल अछि। आब सीतक कहर बढ़बाक आशंका क' देखैत रेलवे जे डेग उठेना अछि, ओहिसे रेल यात्री सभक समस्या आओर बढ़ाई बला अछि। 

प्राप्त खबैर केर मुताबिक़ पूर्व-मध्य रेलवे द्वारा पटना सँ दिल्ली जाय बला महत्वपूर्ण ट्रेन "संपूर्ण क्रांति एक्सप्रेस" क' कैको दिनक लेल रद कायल गेल अछि। भेटल जानकारी केर मुताविक संपूर्ण क्रांति एक्सप्रेस दिसम्बर सँ ल'के फ़रवरी माहक बीच दुनू दिससँ 10-10 दिनक लेल रद रहत। 

एक नजैर कहिया - कहिया रद रहत संपूर्ण क्रांति एक्सप्रेस;

पटना सँ दिल्ली (12393) - संपूर्ण क्रांति एक्सप्रेस दिसंबर माह मे 6, 13, 20, 27 दिसंबर क' रद रहत। जनवरी मे 3, 10, 17, 24, 31 जनवरी क' आओर फेर फ़रवरी मे 7 तारीख क' रद रहत। 

दिल्ली सँ पटना (12394) - संपूर्ण क्रांति एक्सप्रेस दिसंबर माह मे 7, 14, 21, 28 दिसंबर क' रद रहत। जनवरी मे 4, 11, 18, 25 जनवरी क' आओर फ़रवरी मे 1 आ 8 तारीख क' सेहो रद रहत।