माटी घोटाला म' बढ़ी सकैत अछि तेजप्रताप यादव केर मुश्किल - मिथिला दैनिक

Breaking

शुक्रवार, 13 अक्तूबर 2017

माटी घोटाला म' बढ़ी सकैत अछि तेजप्रताप यादव केर मुश्किल

पटना। 13 अक्टूबर। माटी घोटाला मामला म' पटना हाईकोर्ट के मुख्य न्यायाधीश द्वारा राज्य सरकार स' रिपोर्ट मांगल गेल अछि जाहि सँ पूर्व वन एवं पर्यावरण मंत्री तेज प्रताप यादव केर मुश्कि बढ़ी सकैत अछि। 

माटी घोटाला म' लालू प्रसाद यादव के बड़का बेटा तेजप्रताप यादव केर मुश्कि एक बेर फेर सँ बढ़ी सकैत अछि। मॉल केर माटी चिड़ियाघर क' बेचबाक मामला म' पटना हाईकोर्ट के मुख्य न्यायाधीश राजेंद्र मेनन द्वारा एहि मामला पर सरकार स' रिपोर्ट मांगल गेल अछि। 

गौरतलब अछि कि बेली रोड म' लालू प्रसाद यादव केर प्रस्तावित मॉल के निर्माणक दौरान मॉल केर माटी क' चिड़ियाघर क' बेचल जेबाक मामला प्रकाश म' आयल छल। तत्कालीन वन एवं पर्यावरण मंत्री तेजप्रताप यादव के कार्यप्रणाली पर सवाल सेहो ठाढ़ भेल छल। भाजपा नेता सुशील मोदी द्वारा पूरा मामला क' जोर शोर सँ उठाओल गेल छल। पटना हाईकोर्ट केर कड़ा रुखक बाद तत्कालीन वन एवं पर्यावरण मंत्री आओर लालू प्रसाद यादव के बड़का बेटा तेज प्रताप यादव केर मुश्किल बढ़ैत नजैर आएब रहल अछि।