मंत्री बिनोद नारायण झा क' अप्पन विभागक नाम तक लिखे नहि आबैत छैन्ह - मिथिला दैनिक

Breaking

मंगलवार, 19 सितंबर 2017

मंत्री बिनोद नारायण झा क' अप्पन विभागक नाम तक लिखे नहि आबैत छैन्ह

पटना। 19 सितम्बर। बिहार विधानसभा म' प्रतिपक्ष केर नेता आओर पूर्व उपमुख्यमंत्री तेजस्वी यादव नीतीश सरकार म' भाजपा केर मंत्री बिनोद नारायण झा केर खिंचाई करैत ट्वीट केलनि आओर कहलनि कि बिहार भाजपा केर मंत्री जी क' अप्पन विभाग "लोक स्वास्थ्य अभियंत्रण विभाग" केर नाम सेहो ठीक स' लिखे नहि आबैत छैन्ह।

नीतीश सरकार के लोक स्वास्थ्य अभियंत्रण विभाग केर मंत्री बिनोद नारायण झा द्वारा प्रधानमंत्री नरेंद्र मोदी केर जन्मदिन (17 सिंतबर) पर हुनका बधाई देल गेल छल। जाहिमे बिनोद नारायण झा, मंत्री "लोक सवास्थ्य अभियंतत्रण विभाग’ लिखल छल। एहि क' ल'क' प्रतिपक्ष केर  नेता तेजस्वी यादव द्वारा ट्वीट पर हुनक खूब खिंचाई कायल गेल।

एहिसँ पहिने नरेंद्र मोदी सरकार म' स्वास्थ्य राज्यमंत्री अश्विनी चौबे सेहो  जेपी क' श्रद्धांजलि देबाक समय गलती केना छलाह, जाहिक बाद सोशल मीडिया म' बहुत किरकिरी भेल छल। दुनिया भरी म' 14 सितंबर क' हिंदी दिवस केर रूप म' मनाओल जायत अछि आओर एहि दिन मोदी सरकार के मंत्री द्वारा श्रद्धांजलि लिखबाक गलती भेल छल।