उपराष्ट्रपति क' पाती लिख शरद यादव केलनि जदयू पर दावा, कहलनि नीतीश नहि रही सकैत छथि अध्यक्ष - मिथिला दैनिक

Breaking

गुरुवार, 31 अगस्त 2017

उपराष्ट्रपति क' पाती लिख शरद यादव केलनि जदयू पर दावा, कहलनि नीतीश नहि रही सकैत छथि अध्यक्ष

पटना। 31 अगस्त। मुख्यमंत्री नीतीश कुमार के भाजपा संग हाथ मिलेबाक बाद सँ जदयू के पूर्व राष्ट्रीय अध्यक्ष शरद यादव आओर नीतीश के बीच मनमुटाव केर खबैर सुर्खि म' अछि। जदयू दू भाग म' बंटा गेल अछि। नीतीश गुट आओर शरद गुट दुनू जदयू पर अप्पन दावा ठोकी रहल छथि।

राज्यसभा सदस्यता पर संशय के बीच शरद यादव खुद उपराष्ट्रपति वेंकैया नायडू क' एक पाती लिख नीतीश कुमार केर जदयू अध्यक्षता क' चुनौती देलनि। शरद यादव जेडीयू के सांसद कौशलेंद्र क' सेहो एहि बाबत पाती लिखलनि। गौरतलब अछि कि शरद यादव के राजद द्वारा आहूत महारैली म' भाग लेबा पर नीतीश कुमार जदयू नेता शरद यादव केर राज्यसभा सदस्यता खत्म करबाक लेल बयानबाजी क' रहल छथि।

बताओल जे रहल अछि कि राज्यसभा सदस्यता पर जारी अनिश्चितता के बीच शरद यादव दावा केलनि कि पार्टी केर बहुमत नीतीश कुमार के भाजपा संग गठबंधन क' केर समर्थन नहि करैत अछि। 

बताओल जे रहल अछि कि शरद यादव केर एहि पाती ल'क' जेडीयू प्रवक्ता नीरज कुमार हुनका पर हमला करैत कहलनि कि शरद यादव राज्यसभा केर सदस्यता बचेबाक लेल फुइस बाजी रहल छथि आओर महागठबंधन टुटबाक बाद सँ शरद यादव बगावती तेवर अपनेना छथि।