दरभंगा पावर स्टेशन म' घुसल बाढ़िक पैन, 22 लाख सँ बेसी घर अन्हार - मिथिला दैनिक

Breaking

गुरुवार, 31 अगस्त 2017

दरभंगा पावर स्टेशन म' घुसल बाढ़िक पैन, 22 लाख सँ बेसी घर अन्हार

दरभंगा। 31 अगस्त। पूरा मिथिलांचल एखन बाढ़ि सँ बेहाल अछि। बाढ़िक चलते एखन धरी 593 सँ बेसी लोगक मौत भ' चुकल अछि। जेम्हर देखु पैनक सैलाबे सैलाब नजैर आबैत अछि। बाढ़ि सँ दरभंगा केर स्थिति सेहो  बदतर अछि। खबैर अछि कि बाढ़िक पैन दरभंगा पावर स्टेशन के भीतर घुइस गेल अछि। जाहिक चलते बिजली सप्लाई बुरी तरहे प्रभावित अछि।

पावर स्टेशन म' बाढ़िक पैन घुसला सँ बिजली सेवा ठप भ' गेल अछि। दरभंगा म' करीब 22 लाख लोग बाढ़ि सँ पीड़ित छथि। पावर स्टेशन म' पैन घुसलाक बाद सँ कैको गाम म' बिजली सप्लाई नहि भ' रहल अछि। दरभंगा के डीएम चंद्रशेखर केर मुताबिक पावर स्टेशन म' बाढ़िक पैन घुसला आओर पावर सप्लाई बाधित भेला सँ 10-12 गाम प्रभावित भेल अछि। 

डीएम चंद्रशेखर कहलनि कि 22 लाख लोग बिजली नहि भेटबा सँ परेशान छथि। दू पावर सब-स्टेशन म' बाढ़िक पैन घुइस गेल अछि। एक दू दिन म' एहि समस्याक हल निकालल जाएत।

ओतहि, स्थानीय लोग सभक कहब अछि कि पछिला 15 दिन सँ पावर स्टेशन म' बाढ़िक पैन घुसल अछि। कैको दिन सँ बिना बिजली के रहबाक लेल मजबूर छथि। बिजली नहि होयबाक कारण सँ पिबै बला पैन सेहो नहि भेट रहल अछि। हालात म' कुनु सुधार नहि भ' रहल अछि।