0

गया। 03 अगस्त। हिंदू धर्म म' पितर सभक आत्मा केँ शांति आओर मुक्तिक लेल गया म' पिंडदान क' एक अहम कर्मकांड मानल जाएत अछि। इस बरख (6 सितंबर सँ 20 सितंबर) के बीच गया म' पितृपक्ष मेला शुरू होमै बला अछि आओर एहि मेला म' आबै बला देश-विदेशक श्रद्धालु सभक लेल बिहार राज्य पर्यटन विकास निगम द्वारा टूर पैकेज केर ऑनलाइन बुकिंग शुरू काएल गेल अछि। 

बिहार राज्य पर्यटन विकास निगम द्वारा पिंडदानी सभक लेल कैको तरहक पैकेज केर घोषणा काएल गेल अछि। निगम के अधिकारी कहलनि कि गया म' एहि बरख  6 सँ 20 सितंबर के बीच पितृपक्ष मेला लागत। एहि मौका पर पिंडदान करबाक परंपरा अछि। पिंडदान करै बला सभक लेल स्पेशल टूर पैकेज जारी काएल गेल अछि, जाहिके ऑनलाइन बुकिंग कराओल जे सकैत अछि। 

निगम के एक अधिकारीक मुताविक बुकिंग शुरू अछि आओर बहुतो लोग ऐहिक बारे म' जानकारी सेहो प्राप्त क' रहल छथि। आगा ओ कहलनि कि इस बरख टूर पैकेजक लाभ पटना आओर गया दुनू जगह सँ भेटत। पटना सँ गया के पैकेज एक दिन आओर पटना सँ गया, बोधगया, राजगीर, नालंदा भ्रमण के बाद पटना वापसी के दू दिनक पैकेज अछि। एहि पैकेज म' श्रद्धालु सभक बोधगया म' रात्रि विश्राम सेहो शामिल अछि। ऐहिक  अलावा पैकेज म' खानपान, होटल म' ठहरब, पूजाक सामग्री के संगे पंडा के दक्षिणा सेहो शामिल अछि। अधिकारी केँ मुताबिक निगम दिस सँ पटना सँ गया के लेल एक व्यक्तिक एक दिनक पैकेज 8,600 टाका अछि, जखन कि दू दिनक पैकेज के लेल  एक व्यक्ति क' 10,500 ताका चुकबा परतैन्ह। 

मिथिला दैनिक क' समाचार ईमेल द्वारा प्राप्त करि :

Delivered by Mithila Dainik

मिथिला दैनिक (पहिने मैथिल आर मिथिला) टीमकेँ अपन रचनात्मक सुझाव आ टीका-टिप्पणीसँ अवगत कराऊ, पाठक लोकनि एहि जालवृत्तकेँ मैथिलीक सभसँ लोकप्रिय आ सर्वग्राह्य जालवृत्तक स्थान पर बैसेने अछि। अहाँ अपन सुझाव संगहि एहि जालवृत्त पर प्रकाशित करबाक लेल अपन रचना ई-पत्र द्वारा mithiladainik@gmail.com पर सेहो पठा सकैत छी।

 
#zbwid-2f8a1035