जनादेश केर खिलाफ जेबाक लेल इतिहास नीतीश क' नहि करत माफ : अली अनवर - मिथिला दैनिक

Breaking

शनिवार, 12 अगस्त 2017

जनादेश केर खिलाफ जेबाक लेल इतिहास नीतीश क' नहि करत माफ : अली अनवर

पटना। 12 अगस्त।  जेडीयू सँ निलंबित नेता अली अनवर नीतीश कुमार पर हमला करैत कहलनि कि नीतीश कुमार अप्पन सरकार बचेबाक लेल राष्ट्र केर बलिदान द' देलनि। ऐहिक लेल बिहारक जनता हुनका कहियो  माफ नहि करत। बिहारक जनता महागठबंधन केर पक्ष म' अप्पन जनादेश देना रहथिन। नीतीश कुमार सत्ता म' रहबाक लेल राष्ट्र केर बलिदान द' देलनि। इतिहास हुनका माफ नहि करत, हम देश भरी म' जाएब आओर लोग सभके कहब की भेल अछि। 

ओतहि, विपक्ष के बैठक म' शामिल होयबाक फैसला क' सही ठहराबैत अली अनवर कहलनि कि हम एखनहुँ लोग सभक जनादेश के पालन क' रहल छी। नीतीश कुमार जनादेश केर खिलाफ चल गेला। हम एखनहुँ जनादेश के पालन क' रहल छी, जे महागठबंधन केर पक्ष म' छल। जे  जनादेश क' बदलैत छथि, हुनका पर सवाल उठेबाक चाही। 

अपने क' बता दी कांग्रेस अध्यक्ष सोनिया गांधी द्वारा बजाओल गेल विपक्षी बैठक म' अली अनवर के भाग लेबा पर जेडीयू कैल्हि शुक्रदिन हुनका पार्टी सँ निलंबित क' देलनि।