शरद यादव केँ 'छुट्टी', आरसीपी सिंह हेता राज्यसभा म' जेडीयू संसदीय दल के नेता - मिथिला दैनिक

Breaking

शनिवार, 12 अगस्त 2017

शरद यादव केँ 'छुट्टी', आरसीपी सिंह हेता राज्यसभा म' जेडीयू संसदीय दल के नेता

पटना। 12 अगस्त। जेडीयू नेता शरद यादव केँ बगावती सुर क' देखैत पार्टी हुनका ऊपर बड़का कार्रवाई केलनि अछि। जेडीयू शरद यादव क' राज्यसभा केर पद सँ हटेबाक लेल उपराष्ट्रपति वेंकैया नायडू क' पत्र देलनि। पार्टी हुनका जगह आरसीपी सिंह क' राज्यसभा पद के नेता चुनने अछि आओर अब जेडीयू दिस स' आरसीपी सिंह राज्यसभा के सदस्य हेता।

शरद यादव पर ई कार्रवाई पार्टी केर खिलाफत करबाक लेल काएल गेल अछि। अपने क' बता दी शरद यादव एखन बिहार दौरा पर छथि। अगर शरद यादव राष्ट्रीय  कार्यकारिणी के बैठक म' शामिल नहि होएत छथि तेँ हुनका पार्टी सँ निलंबित सेहो काएल जाएत।

जेडीयू नेता नीरज कुमार पार्टी केर फैसला क' सही करार दैत कहलनि कि हुनका पर कार्रवाई करब जरूरी छल। ओ बेवजह पार्टी केर खिलाफ अनाप - शनाप बयान द' रहल छथि। हुनका अप्पन पदक गरिमा आओर पार्टीक शुचिता के सेहो ख्याल नहि छैन्ह। ओ आब लालू यादव के भाषा बाजे लागल छथि आओर लालू यादव के भ्रष्टाचार म' हुनक संग द' रहल छथि। ऐना म' पार्टी नेतृत्व हुनका पर ई कार्रवाई केना अछि जे बिल्कुल सहि अछि।

ओतहि राजद प्रवक्ता भाई वीरेंद्र कहलनि कि जेडीयू क' शरद यादव पर कार्रवाई करबा महग पड़त। जे शरद यादव नीतीश कुमार क' मुख्यमंत्री बनेना छथि। जेडीयू के ओ संस्थापना कालक नेता छथि आओर हुनका पर एहि तरहक कार्रवाई नीतीश कुमार क' महग पड़त।