मुजफ्फरपुर : संदिग्ध हालत म' 5 बच्चा के शव खधैर सँ बरामद - मिथिला दैनिक

Breaking

बुधवार, 9 अगस्त 2017

मुजफ्फरपुर : संदिग्ध हालत म' 5 बच्चा के शव खधैर सँ बरामद

मुजफ्फरपुर। 09 अगस्त। मुजफ्फरपुर के साहेबगंज थाना क्षेत्र म' कैल्हि मंगदिन पुलिस पैन सँ भड़ल खधैर सँ संदिग्ध हालत म' 5 बच्चा के शव बरामद केलनि। पुलिस पूरा मामला के छानबीन क' रहल अछि। पुलिस केर मुताबिक, साहेबगंज थाना क्षेत्रक खुर्शेदा गाम के 5 बच्चा सोमक सांझ सँ लापता छल। ऐहिक सूचना कैल्हि मंगलदिन पुलिस क' भेटल।

सुचना भेटलाक बाद पुलिस पांचों बच्चा के शव भटहंडी स्थित निर्माणाधीन हाजीपुर-सुगौली रेल लाइन के बगल म' स्थित एक पैन सँ भड़ल खधैर सँ बरामद केलनि। साहेबगंज के थाना प्रभारी नवीन कुमार कहलनि कि मृतक बच्चा सभक नाम राज कुमार, विक्की कुमार, अमित कुमार, उदय कुमार आओर करण कुमार अछि। मृतक सभक उम्र 8 सँ 14 बरखक बीच बताओल जे रहल अछि। नवीन कुमार हत्या केर आशंका क' नकारलनि आओर अनुमान लगौलनि कि सभ बच्चा कपड़ा उतैर पैन म' नहेबाक लेल गेल छल जता डुबला सँ सभक मौत भेल। 

थाना प्रभारी नवीन कुमार कहलनि कि सभ बच्चा के कपड़ा आओर चप्पल  घटनास्थल पर भेटल अछि। पुलिस शव क' बरामद करि पोस्टमॉर्टम लेल भेज देलनि। पोस्टमॉर्टम रिपोर्ट अएबाक बाद मौतक सही कारण के पता चलत। पुलिस पूरा मामला के छानबीन क' रहल अछि। स्थानीय लोग सभक कहब अछि कि बच्चा सभक शव पर चोट केर निशान अछि। एहिसँ लागैत अछि कि बच्चा सभक हत्या करि खधैर म' फेकल गेल।