हर बेर बिहार अएला पर भेटैत अछि प्रेरणा : राष्ट्रपति प्रणव मुखर्जी - मिथिला दैनिक

Breaking

शुक्रवार, 24 मार्च 2017

हर बेर बिहार अएला पर भेटैत अछि प्रेरणा : राष्ट्रपति प्रणव मुखर्जी

पटना। 24 मार्च। राष्ट्रपति प्रणव मुखर्जी आय शुक्रवार दिन एशियन डेवलपमेंट रिसर्च इंस्टीच्यूट (आद्री) दिस सँ आयोजित अंतरराष्ट्रीय सम्मेलन क' संबोधित करबाक लेल पटना पहुंचलथि। एहि अवसर पर राज्यपाल रामनाथ कोविंद आओर मुख्यमंत्री नीतीश कुमार सेहो मौजूद छलथि। राष्ट्रपति वायुसेना केर विशेष विमान सँ पटना पहुंचलथि जता गणमान्य लोकनि हुनक अगुवाई कएलनि। 

राष्ट्रपति प्रणव मुखर्जी सम्मेलन क' संबोधित करैत कहलनि कि बिहारक बड़का एतिहासिक महत्व रहल अछि। कैको मौका पर हम बिहार आएल छलहुँ। हर बेर बिहार अएला पर हमरा प्रेरणा भेटैत अछि। बुद्ध आओर  महावीर केर भूमि थीक बिहार।

राष्ट्रपति प्रणल मुखर्जी लालू यादव के दुनु पुत्र, तेजस्वी आओर तेजप्रताप केर चर्चा करैत कहलनि कि दुनु भाई आब नमहर भ' गेलथि, मंत्री बैन गेलथि, हम नेना मे दुनु के देखने छलहुँ। आगा ओ सम्मेलन क' संबोधित करबाक बाद लोग सभके धन्यवाद द' सभके विदा कहलनि आओर पटना एयरपोर्ट पहुँच वापस विमान सँ दिल्ली लेल प्रस्थान कएलनि। कार्यक्रम मे राज्यपाल रामनाथ कोविंद, मुख्यमंत्री नीतीश कुमार, उपमुख्यमंत्री तेजस्वी यादव, शिक्षामंत्री अशोक चौधरी सहित कैको गणमान्य उपस्थित छलथि।