'नमामि गंगे' के तहत बिहार मे बहुत रास प्रॉजेक्ट क' भेटल मंजूरी - मिथिला दैनिक

Breaking

गुरुवार, 2 मार्च 2017

'नमामि गंगे' के तहत बिहार मे बहुत रास प्रॉजेक्ट क' भेटल मंजूरी

पटना। 02 मार्च। पटना मे गंगा क' स्वच्छ रखबाक लेल शहरमे सक्षम जलमल शोधन संयंत्र (एसटीपी) तैयार करबाक लेल 'नमामि गंगे' कार्यक्रम के तहत 1050 करोड़ टाकाक विभिन्न परियोजना सभके मंजूरी भेटल अछि। 

जल संसाधन मंत्रालय के एक अधिकारी कहला कि ई राशि 2 एसटीपी बनेबाक लेल, मौजूदा एसटीपी के नवीनीकरण, 2 पंपिंग स्टेशन केर निर्माण आओर लगभग 400 किलोमीटर तक नवा भूमिगत जलमल नेटवर्क बिछेबा पर खर्च कायल जायत।

नमामि गंगे कार्यक्रम गंगा क' निर्मल आओर अविरल बनेबाक मोदी सरकार के महत्वाकांक्षी परियोजना अछि। मु़ख्यमंत्री नीतीश कुमार सेहो  पटना मे गंगा केर स्वच्छताक विषय के कैको बेर उठेला आओर एहि बारे मे नीतीश कुमार किछ दिन पहिने प्रधानमंत्री नरेन्द्र मोदी से सेहो चर्चा केना छला। 

मंत्रालय दिस सँ जारी बयान केर मुताबिक, पटना शहर के सैदपुर क्षेत्र मे 60 एमएलडी क्षमता बला एसटीपी बनेबाक लेल आओर 227 किलोमीटर के नवा भूमिगत जलमल नेटवर्क बिछेबाक लेल कुल 600 करोड़ टाकाक ठेका देल जे चुकल अछि। ऐहिक संगे मौजूदा एसटीपी के नवीनीकरण आओर लगभग 180 किलोमीटर के नवा भूमिगत जलमल नेटवर्क बिछेबाक अलग-अलग परियोजनाक लेल 450 करोड़ टाका आवंटित होयत।