बसंत पंचमी के अवसर पर कुश्ती प्रतियोगिताक आयोजन - मिथिला दैनिक

Breaking

शनिवार, 4 फ़रवरी 2017

बसंत पंचमी के अवसर पर कुश्ती प्रतियोगिताक आयोजन

मधेपुरा। 04 फरवरी।बसंत पंचमी के अवसर पर प्रखंड के चित्ती पंचायतक बाबा सिद्धनाथ मंदिर परिसर मे आयोजित मेला मे कुश्ती प्रतियोगिताक आयोजन कायल गेल। कुश्तीक शुरुआत युवा शक्ति जिला अध्यक्ष विनीत आर्यन व समाजसेवी महेंद्र यादव पहलवान सभसे हाथ मिला कएलन्हि। 

कुश्ती मे महिला एवं पुरुष दुनु पहलवान मौजूद छल। नामी गिरामी पहलवान सभक पहुँचबाक सूचना से भोरेसे कुश्ती प्रतियोगिता देखबाक लेल लोग सभक भीड़ जमा भ' गेल छल। पहलवान सभ सेहो अप्पन नीक दांव पेंच से एक दोसर के चित करैत दर्शक सभके सेहो भरपूर मनोरंजन कएलन्हि। दर्शक सेहो पहलवान सभक हौसला बढेबाक लेल बीच-बीच मे ताली बजा पहलवान सभके  उत्साहित करैत छलैन्ह। ओतहि बनारस से आयल राजेश पहलवान, मधुबनी के विमल यादव, बेगूसराय के छोटू पहलवान, पूर्वी चंपारण अवधेश यादव, कानपुर के रिकी कुमारी, गोरखपुर के ब्यूटी कुमारी आय आन पहलवान सभ अखाड़ा मे खूब दांव-पेंच देखेलैन्ह।