सेवानिवृति पर देल गेलन्हि सम्मानजनक विदाई - मिथिला दैनिक

Breaking

सोमवार, 2 जनवरी 2017

सेवानिवृति पर देल गेलन्हि सम्मानजनक विदाई

सुपौल। 02 जनवरी। उत्तर बिहार ग्रामीण बैंक शाखा बरुआरी मे शाखा प्रबंधक पद पर कार्यरत शंकर प्रसाद साह क' सेवानिवृति उपरांत समारोह आयोजित करि सम्मानजनक विदाई देल गेलन्हि। समारोह केर अध्यक्षता उत्तर बिहार ग्रामीण बैंक शाखा के सेवानिवृत शाखा प्रबंधक सह अधिवक्ता अशोक कुमार श्रीवास्तव केलन्हि। 

अप्पन संबोधन मे ओ कहलन्हि कि सरकारी सेवा मे निर्धारित उम्र सीमा मे सेवानिवृत होयब तय अछि। ओहि सेवा के क्रम मे विभागीय सेवा एवं ग्राहक सभक  सेवा सरकारी सेवक सभक मूल मंत्र होयत अछि।  सेवाकाल मे अप्पन कर्तव्य आर ईमानदारी के संग- संग विभाग एवं ग्राहक सभक  सेवा देनाय बिना दाग लागल सेवानिवृत होयब आजुक दिन मे ओहि व्यक्ति से पैघ कुनु व्यक्ति नहि भ' सकैत अछि। सेवाकाल मे विभाग एवं ग्राहक सभक बीच केर कड़ी केर काम शाखा प्रबंधक करैत रहला अछि। पीओ श्रीकांत कुमार कहलनि कि बैंकिंग सेवा मे बैंक मे कार्यरत पदाधिकारी एवं कर्मी अप्पन - अप्पन काज केर प्रति सजग अछि।  समारोह मे साव कुमार गोंद, विजय कुमार , श्रीराम चौधरी, राजेन्द्र प्रताप , धीरेन्द्र प्रताप , विपिन कुमार , तारानंद , रमण कुमार सिंह, बबलू कुमार , कुमार आनंद, रत्नेश्वर लाल दास, नीतीश कुमार सहित बहुतो रास ग्रामीण मौजूद छलाह।