मोहम्मद शहाबुद्दीन के कथित शार्प शूटर मोहम्मद कैफ क' भेटल जमानत - मिथिला दैनिक

Breaking

शुक्रवार, 20 जनवरी 2017

मोहम्मद शहाबुद्दीन के कथित शार्प शूटर मोहम्मद कैफ क' भेटल जमानत

मुजफ्फरपुर। 20 जनवरी। मुजफ्फरपुर जिला स्थित सीबीआई के एक विशेष अदालत पत्रकार राजदेव रंजन हत्या मामला मे जेल मे बंद राजद के विवादास्पद नेता मोहम्मद शहाबुद्दीन के कथित शार्प शूटर मोहम्मद कैफ क' कैल्ह गुरुवार दिन जमानत द' देलन्हि। सीबीआई अदालत केर  न्यायाधीश अनुपम कुमारी कैफ केर जमानत लेल दायर याचिका पर सुनवाई करैत हुनका जमानत द' देलन्हि। 

याचिकाकर्ता दिस से दलील पेश कायल गेल कि प्रावधान केर अनुसार अपराध दंड विधानक धारा 167 (2) के तहत हुनका खिलाफ जांच एजेंसी द्वारा 90 दिन के भीतर आरोपपत्र समर्पित नहि कायल जे सकल अछि।  पिछला बरख 21 सितंबर क' गिरफ्तार कैफ उर्फ बंटी सीवान के मुख्य न्यायिक दंडाधिकारी अरविंद कुमार सिंह केर समक्ष आत्मसमर्पण केना छल। 

पिछ्ला बरख मई माह मे पत्रकार राजदेव रंजन केर हत्या मामला मे मोहम्मद जावेद नामक एक अपराधी के संग संदिग्ध कैफ क' शहाबुद्दीन के पिछ्ला 10 सितंबर दिन भागलपुर जेल से रिहाई के समय देखल गेल छल। कैफ केर राजद प्रमुख लालू प्रसाद के बड़का बेटा आर स्वास्थ्य मंत्री तेज प्रताप के संग फोटो सेहो पिछ्ला सितंबर माह मे विवाद ठाढ़ केना छल।