केंद्र सरकार बनबे शहर क' स्मार्ट, हम गाम क' स्मार्ट बनायब : नीतीश कुमार - मिथिला दैनिक

Breaking

शुक्रवार, 20 जनवरी 2017

केंद्र सरकार बनबे शहर क' स्मार्ट, हम गाम क' स्मार्ट बनायब : नीतीश कुमार

बांका। 20 जनवरी। मुख्यमंत्री नीतीश कुमार कहलनि कि केंद्र सरकार गिनती के शहर सभके स्मार्ट बनेबाक कवायद क' रहल अछि। लेकिन हम बिहार के सभ गामके स्मार्ट बनेबा मे लागल छी। ओ बनबैत रहैथ शहर सभके स्मार्ट, हम गामके स्मार्ट बनायब आर बिहार के एक - एक गाम स्मार्ट बनत। एतेक स्मार्ट बनायब कि हम्मर  स्मार्ट गामक स्मार्ट लोग हुनकर स्मार्ट शहर दिस देखबो नहि करत। ई हमर सपना अछि जे महज एक बरख बाद एक हकीकत होयत।  

आगा ओ कहलनि कि बरख 2017 के अंत तक राज्य के सभ गाम स्मार्ट होयत। सरकार के सात निश्चय सूबे के गाम आर एहिठाम बसै बला लोग सभके स्मार्ट बनेबाक लेल अछि। ताहिपर तेजी से काज चैल रहल अछि।  एहि अभियान मे एखन धरी खूब सफलता भेटल अछि। अभियानक गति अहिना तेज़ रहल तेँ देश के सामना स्मार्ट बिहार ठाढ़ होयत। नीतीश कुमार बांका मे कैल्ह गुरुवार दिन आरएमके मैदान मे आयोजित चेतना सभा क' संबोधित करबाक दरमियान उक्त बाद कहलनि।