छात्रवृत्ति घोटाला : आईएएस अधिकारी एस. एम. राजू निलंबित - मिथिला दैनिक

Breaking

शुक्रवार, 13 जनवरी 2017

छात्रवृत्ति घोटाला : आईएएस अधिकारी एस. एम. राजू निलंबित

पटना। 13 जनवरी। बिहार के चर्चित छात्रवृत्ति घोटाला के एक मामला मे नीतीश सरकार कैल्ह गुरुवार दिन भारतीय प्रशासनिक सेवा (आईएएस) के अधिकारी एस. एम. राजू क' निलंबित क' देलन्हि। बिहार राज्य सामान्य प्रशासन विभाग द्वारा कैल्ह गुरुवार दिन जारी आदेश केर मुताबिक, राज्य के बाहर विभिन्न तकनीकी संस्थान मे अध्ययनरत अनुसूचित जाति आर  अनुसूचित जनजाति के छात्र-छात्रा सभक बरख 2013-14 आर एहीसे पहिने कैको बरख मे छात्रवृत्ति भुगतान मे भेल अनियमितता केर मामला मे एस. एम. राजू क' तत्काल प्रभाव से निलंबित क' देल गेलन्हि अछि। 

एहि मामला मे किछ दिन पहिने राजू सहित 16 लोग के खिलाफ निगरानी थाना मे प्राथमिकी दर्ज कराओल गेल छल। प्राथमिकी मे आरोप छल कि आईएएस अधिकारी राजू जखन कल्याण विभाग के सचिव पद पर तैनात छला, ओहि समय अनुसूचित जाति आर अनुसूचित जनजाति छात्र सभके  भेटै बला छात्रवृत्ति मे करोड़ों टाका केर हेराफेरी कायल गेल छल। ई मामला बरख 2013-14 मे छात्रवृत्ति मे अनियमितता बरतबाक अछि। 

निगरानी विभाग भेटल शिकायत केर आधार पर एहि मामला के जांच ओहि बरख मार्च महीना मे शुरू केलन्हि। जांच के बाद निगरानी विभाग के पता चलल कि अनुसूचित जाति-जनजाति प्रवेशिकोत्तर छात्रवृत्ति के वितरण मे हेराफेरी भेल अछि। 

निगरानी अन्वेषण ब्यूरो राजू के अलावा कल्याण विभाग के तत्कालीन विशेष सचिव सुरेश पासवान, सहायक निदेशक इंद्रजीत मुखर्जी, गोन्ना इंस्टीट्यूट के निदेशक, सचिव आर अन्य पर आईपीसी केर विभिन्न धारा आर  भ्रष्टाचार निरोधक अधिनियम के तहत प्राथमिकी दर्ज करौलन्हि अछि। राजू 1991 बैच के आईएएस अधिकारी छैथ।