करोड़ों टाका केर लागत से बनल पुल पहुंच पथ केर बिना बेकार पड़ल अछि - मिथिला दैनिक

Breaking

मंगलवार, 3 जनवरी 2017

करोड़ों टाका केर लागत से बनल पुल पहुंच पथ केर बिना बेकार पड़ल अछि

दरभंगा। 03 जनवरी। पोहद्दी - पड़री पथ केर कन्हौली घाट पर 6 बरख पहिने बनाओल गेल पुल केर पहुंच पथ आय धरी नहि बनाओल गेल अछि। जाहिसे करोड़ों टाका केर लागत से बनल पुल बेकार साबित भ' रहल अछि। ग्रामीण सभ के आइयो नदी हेल के गाम जे पड़ैत छैन्ह। बताओल जे रहल अछि कि उक्त पुल केर शिलान्यास सांसद कीर्ति आजाद एवं तत्कालीन विधायक गोपालजी ठाकुर संयुक्त रूप से 25 जनवरी 2011 दिन तामझाम केर संग केना छल। मुदा पुल निर्माण के बाद दुनु दिस आय धरी पहुंच पथ केर निर्माण नहि कराओल गेल अछि। 

गार्मीण सभ बतौलन्हि कि पदाधिकारि एवं पुल निर्माण करै बला ठेकेदार, अभियंता सभक शिथिलता केर कारण आयधरि पहुंच पथ केर निर्माण नहि भेल अछि। ग्रामीण सभक कहब छैन्ह कि ओ सभ एहि संबंध मे कैको दफा सांसद व विधायक क' आवेदन द' पहुंच पथ केर निर्माण केर मांग केलन्हि। लेकिन ओहो सभ एहि दिस ध्यान नहि देलन्हि। ग्रामीण सभक कहब छैन्ह कि पहुंच पथ केर निर्माण नहि कराओल गेल तेँ ओ सभ अनुमंडल कार्यालय पर आमरण अनशन करता। 

एसडीओ अमित कुमार कहला कि उक्त पुल के पहुंच पथक संबंध मे हुनका कुनु तरहक जानकारी नहि छैन्ह। ओ मामले केर तहकीकात करौता। ओहिक बाद कानूनी कार्रवाई होयत। 

विधायक सुनील चौधरी के एहि संबंध मे कहब छैन्ह कि बेनीपुर के एसडीओ से पूरा मामला केर जांच कराओल जायत। संगहि संबंधित विभाग केर अभियंता एवं जिलाधिकारी सभ से बात कायल जायत।