संसद के बजट सत्र आय से, नोटबंदी पर सरकार क' घेरत विपक्ष - मिथिला दैनिक

Breaking

मंगलवार, 31 जनवरी 2017

संसद के बजट सत्र आय से, नोटबंदी पर सरकार क' घेरत विपक्ष

नई दिल्ली। 31 जनवरी। संसद के बजट सत्र आय से शुरु भ' रहल अछि।  सत्र केर शुरूआत राष्ट्रपति प्रणब मुखर्जी  द्वारा दुनु सदन के संयुक्त रूप से संबोधित करबाक संग होयत। राष्ट्रपति सुबह 11 बजे से संसद भवन के सेंट्रल हॉल मे दुनु सदन क' संयुक्त रुप से संबोधित करता।  आइये आर्थिक सर्वेक्षण सेहो पेश कायल जायत। बजट सत्र के पहिल हिस्सा आय 31 जनवरी से 9 फरवरी तक चलत जखनकि दोसर हिस्सा 9 मार्च से शुरु भ' 12 अप्रैल तक चलत। आम बजट कैल्ह 1 फरवरी क' पेश कायल जायत। 

एहि बरख अलग से रेल बजट पेश करबाक परंपरा समाप्त कायल जे रहल अछि। रेलवे संबंधी प्रावधान एहि बेर आम बजट मे शामिल होयत।  विपक्षी दल सभ एहि बातक संकेत देलन्हि अछि कि संसद के एहि सत्र मे नोटबंदी केर मुद्दा जोरशोर से उठाओल जायत जाहिक कारण पिछ्ला शीतकालीन सत्र के दौरान कुनु कामकाज नहि भ' सकल छल। विपक्षी दल  सभक ऐहिक संगे किछ राज्य मे होमै बला विधानसभा चुनाव के बीच समय से पहिने बजट पेश करबाक लेल सेहो नाखुशी जाहिर केलन्हि अछि।