0

नई दिल्ली। 04 जनवरी। 4जी के बाजार मे रिलायंस जियो से कड़ा चुनौती झेल रहल एयरटेल आब 12 महीना तक 3जीबी मुफ्त डेटा केर ऑफर ल'के आयल अछि। एयरटेल  ऐलान केलन्हि अछि कि ई ऑफर 4 जनवरी से ल'के 28 फरवरी तक जारी रहत। एयरटेल के ई ऑफर रिलायंस जियो के 'हैप्पी न्यू ईयर' ऑफर क' चुनौती देत। 

ओनाकि, एयरटेल के ई ऑफरक लाभ अप्पन मोबाइल नंबर क' एयरटेल मे पोर्ट करबा पर यानी कुनु आर नेटवर्क से एयरटेल मे अएला पर भेटत। मौजूदा एयरटेल यूजर्स सेहो एहि ऑफर केर लाभ उठा सकैत छैथ। एहिलेल हुनका अप्पन नंबर क' 4जी मे कन्वर्ट करबाबे परतैन्ह। प्रीपेड आर पोस्टपेड यूजर्स के लेल ई ऑफर के जरिया भेटै बला डेटा 31 दिसंबर 2017 तक मान्य होयत। 

एयरटेल के एहि ऑफरक फायदा उठेबाक लेल 345 टाका केर रिचार्ज करबाबे परत जाहि रिचार्ज के जरिया यूजर्स 1 महीना तक अनलिमिटेड लोकल आर एसटीडी कॉल क' सकैत छैथ। संगहि यूजर्स क' 1जीबी का डेटा सेहो भेटत। 3जीबी फ्री डेटा केर लाभ लेबाक लेल माई एयरटेल ऐप केर  इस्तेमाल करे परत। एहि तरहे हर बेर रिचार्ज पर यूजर क' 4जीबी डेटा भेटत। 

मिथिला दैनिक क' समाचार ईमेल द्वारा प्राप्त करि :

Delivered by Mithila Dainik

मिथिला दैनिक (पहिने मैथिल आर मिथिला) टीमकेँ अपन रचनात्मक सुझाव आ टीका-टिप्पणीसँ अवगत कराऊ, पाठक लोकनि एहि जालवृत्तकेँ मैथिलीक सभसँ लोकप्रिय आ सर्वग्राह्य जालवृत्तक स्थान पर बैसेने अछि। अहाँ अपन सुझाव संगहि एहि जालवृत्त पर प्रकाशित करबाक लेल अपन रचना ई-पत्र द्वारा mithiladainik@gmail.com पर सेहो पठा सकैत छी।

 
#zbwid-2f8a1035