पटना म' ऑड - इवेन पार्किंग सुविधा केर शुरुआत भेल - मिथिला दैनिक

Breaking

मंगलवार, 1 नवंबर 2016

पटना म' ऑड - इवेन पार्किंग सुविधा केर शुरुआत भेल

पटना। 01 नवम्बर। राजधानी केर लोग सभ क' जाम सँ राहत दियेबाक लेल पटना जिला प्रशासन  ऑड-इवेन व्यवस्था शुरू केना अछि। ओना इ व्यवस्था वाहन सभक परिचालन लेल नहि बल्कि पार्किंग के लेल शुरू  कायल गेल अछि। आब शहर केँ खराब पार्किंग व्यवस्था क' नीक बनेबाक लेल ऑड-इवेन सिस्टम शुरू कायल गेल अछि। जाहिक आधार पर आब  वाहन सभ क' पार्किंग कायल जायत।

पटना के प्रमंडलीय आयुक्त आनंद किशोर आय मंगलवार दिन शहर के 19 इलाका म' पार्किंग के लेल ऑड-इवेन व्यवस्था शुरू केलन्हि। एहि अवसर पर ओ कहला कि पटना म' जाम केर समस्या सँ हर दिन लोग परेशान रहैत छैथ।  खासकरि नाला रोड, ठाकुरबाड़ी रोड, दरियापुर, सब्जीबाग इलाका म' जाम केर समस्या सँ लोग सभ क' बहुत दिक्कत केर सामना करे परैत छैन्ह। एहि समस्या क' दूर करबाक लेल प्रशासन दिस सँ कैको  सार्थक डेग उठाओल गेल अछि।

पटना म' आब ऑड इवेन केर आधार पर पार्किंग होयत, यानी महीने के ऑड तारीख जेना 1,3 आदि क' बाया सड़क के बाया दिस वाहन क'  पार्किंग कायल जायत, ओतहि इवेन तारीख जेना 2,4,6 आदि क' सड़क के दाया दिस वाहन पार्क कायल जायत। नाला रोड के अलावा, ठाकुरबाड़ी रोड, खजांची रोड, सब्जी बाग़, दरियापुर, ओल्ड बाईपास समेत कुल 19 इलाका म' इ व्यवस्था लागू कायल गेल अछि।